కూటమి నేతలు శిఖండి రాజకీయాలు మానుకోండి.. ఎర్రకోట

 
ఎమ్మిగనూరు మేజర్ న్యూస్ ప్రతినిధి
స్థానిక సంస్థల ఎన్నికల్లో గెలవలేక పోలీసులను అడ్డుపెట్టుకొని వైసీపీ నాయకులను కార్యకర్తలను బెదిరింపులకు గురి చేయడమే కాకుండా కేసులంటూ ఇతరుల చేత బెదిరిస్తూ శిఖండి రాజకీయాలు చేయడం కూటమి నాయకులు మానుకోవాలని ఎమ్మిగనూరు వైకాపా ఇంచార్జ్ ఎర్రకోట రాజీవ్ రెడ్డి తీవ్రస్థాయిలో ధ్వజమెత్తారు. ఎన్నికల ప్రచారంలో భాగంగా ఆయన ఈరోజు పట్టణంలో 27 28 22 వార్డులలో విస్తృత ప్రచారం చేశారు. చైర్మన్ అభ్యర్థి డాక్టర్ కె.ఎస్ రఘు తో పాటు 44 వార్డులలో వైసీపీ అభ్యర్థులు కౌన్సిలర్గా బరిలో ఉన్నారని వారందరినీ పట్టణ ప్రజల ఆశీర్వదించి మున్సిపాలిటీ పంపాలన్నారు. పట్టణ ప్రజల అభివృద్ధి ఒక్క రూపాయి ఆశించని వ్యక్తిగా డాక్టర్ రఘు సేవలందించేందుకు మరోసారి సిద్ధం కావడం పట్టణ ప్రజలు చేసుకున్న అదృష్టం అన్నారు. ఈ అవకాశాన్ని వదులుకోకుండా కూటమి పాలకులు చేసిన మోసాలను గుర్తుపెట్టుకుని ప్రజలు తీర్పును జగనన్నకు అందించాలన్నారు. స్థానిక సంస్థల ఎన్నికల్లో ఇచ్చిన హామీలను నెరవేర్చని కూటమి పాలకులకు తగిన గుణపాటాన్ని అందించాలని అది మీ ఓటుతోనే సాధ్యమవుతుందన్నారు . ఆయన వెంట బి ఆర్ బసిరెడ్డి వెంకటాపురం భాస్కర్ రెడ్డి. ధర్మకారి నాగేశ్వరరావు, తదితరులు పాల్గొన్నారు.
A. R. శరత్ కుమార్, సూర్య ప్రతినిధి, ఎమ్మిగనూరు, కర్నూలు జిల్లా