29వ వార్డులో ఎమ్మెల్యే అమర్నాథరెడ్డి విస్తృత ప్రచారం

పలమనేరు మేజర్ న్యూస్ పలమనేరు: మున్సిపల్ ఎన్నికల ప్రచారంలో భాగంగా పలమనేరు పట్టణంలోని మదనపల్లి రోడ్డులో ఉన్న 29వ వార్డులో ఎమ్మెల్యే అమర్నాథరెడ్డి విస్తృతంగా పర్యటించారు. ఈ సందర్భంగా టీడీపీ కౌన్సిలర్ అభ్యర్థి పవిత్ర రఘుతో కలిసి ఇంటింటికీ వెళ్లి ఓటర్లను కలుసుకున్నారు. కూటమి అభ్యర్థులకు సైకిల్ గుర్తుపై ఓటు వేసి గెలిపించాలని ప్రజలను కోరారు.        ప్రచారం 

ప్రచార సమయంలో స్థానికులతో మాట్లాడిన ఎమ్మెల్యే వార్డులో నెలకొన్న సమస్యలను అడిగి తెలుసుకున్నారు. ముఖ్యంగా తాగునీటి సరఫరా, డ్రైనేజీ వ్యవస్థ, వీధి విద్యుత్ దీపాలకు సంబంధించిన సమస్యలను స్థానికులు ఆయన దృష్టికి తీసుకెళ్లారు. ప్రజలు తెలిపిన సమస్యలను పరిష్కరించేందుకు అవసరమైన చర్యలు తీసుకుంటామని ఎమ్మెల్యే హామీ ఇచ్చారు.ఈ కార్యక్రమంలో టీడీపీ కౌన్సిలర్ అభ్యర్థి పవిత్ర రఘుతో పాటు కూటమి నాయకులు, కార్యకర్తలు పాల్గొన్నారు.

అనిల్ కుమార్ యాదవ్