ధనాపురం, హోన్నంపల్లిలో టీడీపీ ప్రచార హోరు.. రాజగోపాల్‌కు మద్దతుగా జడ్పీటీసీ అభ్యర్థి వెంకటేష్..... గ్రామాభివృద్ధి, ప్రజా సంక్షేమమే లక్ష్యంగా ఇంటింటి ప్రచారం.. సైకిల్ గుర్తుకు ఓటేయాలని విజ్ఞప్తి
పరిగి మండలంలోని ధనాపురం, హోన్నంపల్లి పంచాయతీల పరిధిలో గురువారం కూటమి ప్రభుత్వం తరఫున ఎన్నికల ప్రచారం నిర్వహించారు . పరిగి మండలం కూటమి ప్రభుత్వం తరుపున జడ్పీటీసీ అభ్యర్థిగా వెంకటేష్, ఎంపీటీసీ అభ్యర్థి రాజగోపాల్‌తో కలిసి ఇంటింటికీ వెళ్లి ప్రజలను కలుసుకున్నారు. ఈ సందర్భంగా సైకిల్ గుర్తుకు ఓటు వేసి రాజగోపాల్‌ను గెలిపించాలని ఓటర్లను కోరారు.ఈ సందర్భంగా జడ్పీటీసీ వెంకటేష్ మాట్లాడుతూ కూటమ ప్రభుత్వం (టిడిపి) అమలు చేస్తున్న సంక్షేమ పథకాలు గ్రామీణ ప్రాంతాల అభివృద్ధికి చేపడుతున్న కార్యక్రమాలను ప్రజలకు వివరించారు. గ్రామాల్లో రహదారులు తాగునీటి సదుపాయాలు, మౌలిక వసతుల కల్పనతో పాటు ప్రజల సమస్యల పరిష్కారానికి ప్రాధాన్యత ఇవ్వాల్సిన అవసరాన్ని వివరించారు.ప్రజలకు అందుబాటులో ఉంటూ వారి సమస్యల పరిష్కారానికి కృషి చేసే నాయకత్వం అవసరమని వెంకటేష్ పేర్కొన్నారు. గ్రామాల అభివృద్ధికి ప్రజాప్రతినిధులు, ప్రజలు సమన్వయంతో ముందుకు సాగాలని తెలిపారు. ప్రజల అవసరాలను గుర్తించి వారి సమస్యలను సంబంధిత అధికారుల దృష్టికి తీసుకెళ్లి పరిష్కారానికి కృషి చేయడం ప్రజాప్రతినిధుల బాధ్యత అని వివరించారు.ఎంపీటీసీ అభ్యర్థి రాజగోపాల్ మాట్లాడుతూ తనకు అవకాశం కల్పిస్తే ప్రజలకు అందుబాటులో ఉంటూ ధనాపురం హోన్నంపల్లి పంచాయతీల అభివృద్ధికి కృషి చేస్తానని తెలిపారు. గ్రామాల్లో నెలకొన్న సమస్యలను గుర్తించి వాటి పరిష్కారానికి నిరంతరం పనిచేస్తానని ప్రజలకు వివరించారు.
