వికారాబాద్ జిల్లాలో ఆయుష్ శాఖలో 8 అవుట్‌సోర్సింగ్ పోస్టులు: కలెక్టర్ దీపక్ తివారి

వికారాబాద్ జిల్లా ప్రతినిధి, మేజర్ న్యూస్ (అక్టోబర్ 14): జాతీయ ఆయుష్ మిషన్ (NAM) పథకం కింద వికారాబాద్ జిల్లాలో ఆయుష్ శాఖలో ఖాళీగా ఉన్న 8 అవుట్‌సోర్సింగ్ పోస్టుల భర్తీకి అర్హులైన అభ్యర్థుల నుంచి దరఖాస్తులు ఆహ్వానిస్తున్నట్లు జిల్లా కలెక్టర్ దీపక్ తివారి తెలిపారు. ఆసక్తి గల అభ్యర్థులు అక్టోబర్ 14 నుంచి 24వ తేదీ వరకు దరఖాస్తు చేసుకోవాలని సూచించారు.జిల్లాలో ఆయుష్ మెడికల్ ఆఫీసర్ (పోస్ట్ గ్రాడ్యుయేట్) ఒక పోస్టు, ఆయుష్ మెడికల్ ఆఫీసర్ రెండు పోస్టులు, డైటీషియన్ ఒక పోస్టు, సైకోసోషియల్ కౌన్సిలర్ ఒక పోస్టు, యోగా ప్రొఫెషనల్ ఒక పోస్టు, మల్టీ పర్పస్ వర్కర్ రెండు పోస్టులు కలిపి మొత్తం 8 ఖాళీలు ఉన్నట్లు కలెక్టర్ వెల్లడించారు.అర్హత కలిగిన అభ్యర్థులు నిర్దేశిత దరఖాస్తు ఫారంతో పాటు విద్యార్హత ధ్రువీకరణ పత్రాలు, అనుభవ ధ్రువీకరణ పత్రాలు, ఇతర అవసరమైన పత్రాలను జతచేసి గడువులోగా సమర్పించాలని సూచించారు. దరఖాస్తులను అన్ని పని దినాల్లో జిల్లా కలెక్టర్ కార్యాలయంలోని జిల్లా వైద్య, ఆరోగ్య శాఖాధికారి కార్యాలయంలో సమర్పించాలని తెలిపారు.దరఖాస్తు ఫారాలు, పూర్తి వివరాలను వికారాబాద్ జిల్లా అధికారిక వెబ్‌సైట్ vikarabad.telangana.gov.in ద్వారా పొందవచ్చని కలెక్టర్ పేర్కొన్నారు. అర్హత, ఆసక్తి ఉన్న అభ్యర్థులు ఈ అవకాశాన్ని సద్వినియోగం చేసుకోవాలని ఆయన సూచించారు.