పాల్మాకుల్‌లో మహిళ అనుమానాస్పద మృతి
శంషాబాద్ : మండల పరిధిలోని పాల్మాకుల్ గ్రామంలో ఓ మహిళ అనుమానాస్పద స్థితిలో మృతి చెందింది. గ్రామానికి చెందిన సుజాత (44) బుధవారం ఉదయం మృతి చెందినట్లు సమాచారం.
వివరాల్లోకి వెళితే.. సుజాత గత ఏడాది కాలంగా మానసిక ఆరోగ్య సమస్యలతో బాధపడుతున్నట్లు ఆమె భర్త తెలిపాడు. ఎర్రగడ్డ ఆస్పత్రిలో చికిత్స పొందుతూ మందులు వాడుతున్నట్లు పేర్కొన్నాడు. ఆమెకు కల్లు తాగే అలవాటు ఉందని, వైద్యులు కల్లు తాగవద్దని సూచించినప్పటికీ అప్పుడప్పుడు తాగేదని తెలిపాడు.
బుధవారం ఉదయం నిద్రపోతున్న సుజాతను ఎంతసేపటికీ పిలిచినా స్పందించకపోవడంతో చుట్టుపక్కల వారిని పిలిచాడు. పరిశీలించగా ఆమె మృతి చెందినట్లు గుర్తించి వెంటనే పోలీసులకు సమాచారం అందించారు.
సమాచారం అందుకున్న శంషాబాద్ రూరల్ పోలీసులు ఘటనాస్థలానికి చేరుకుని పరిశీలించారు. అనంతరం మృతదేహాన్ని పోస్టుమార్టం నిమిత్తం ఆస్పత్రికి తరలించారు. ఈ ఘటనపై కేసు నమోదు చేసి దర్యాప్తు చేస్తున్నట్లు పోలీసులు తెలిపారు. మహిళ మృతికి గల కారణాలు పోస్టుమార్టం నివేదిక, పోలీసుల దర్యాప్తులో తేలాల్సి ఉంది.
పోతుల నర్సింహా, మేజర్ స్యూస్ శంషాబాద్.
