ఎంపీటీసీ రిజర్వేషన్లలో దళితులకు అన్యాయం

వెల్దుర్తి, సూర్య ప్రతినిధి మేజర్ న్యూస్:స్థానిక సంస్థల ఎన్నికలకు సంబంధించి ఎంపీటీసీ రిజర్వేషన్లలో దళితులను రాజకీయంగా అణగదొక్కడానికి కొంతమంది మండల స్థాయి అధికారులు కుట్ర పన్నుతున్నారని ఏపీ ఎమ్మార్పీఎస్ రాష్ట్ర వర్కింగ్ ప్రెసిడెంట్ దాదిపోగు నవీన్ మాదిగ ఆరోపించారు. బుధవారం వెల్దుర్తిలో ఏర్పాటు చేసిన విలేకరుల సమావేశంలో ఆయన మాట్లాడారు.వెల్దుర్తి గ్రామ జనాభాలో దళితులు 30 శాతం ఉన్నప్పటికీ, ఎంపీటీసీ రిజర్వేషన్ల కేటాయింపులో వారికి తీవ్ర అన్యాయం చేశారని మండిపడ్డారు. అధికారులు ఉద్దేశపూర్వకంగానే దళితులను రాజకీయంగా ఎదగకుండా అణగదొక్కేందుకు ప్రయత్నిస్తున్నారని విమర్శించారు. రిజర్వేషన్ల కేటాయింపులో జరిగిన ఈ అన్యాయంపై ఏపీ ఎమ్మార్పీఎస్ ఆధ్వర్యంలో పెద్ద ఎత్తున ఆందోళన కార్యక్రమాలు నిర్వహించి, సమస్యను ఉన్నతాధికారుల దృష్టికి తీసుకెళ్తామని స్పష్టం చేశారు.ఈ కార్యక్రమంలో ఏపీ ఎమ్మార్పీఎస్ నాయకులు టైలర్ రాముడుతో పాటు వివిధ గ్రామాల నాయకులు, కార్యకర్తలు పాల్గొన్నారు.

సూర్యా ప్రతినిధి షేక్ దస్తగిరి కర్నూల్ జిల్లా వెల్దుర్తి మండలం