చైనా, జపాన్‌లతోనే మా పోటీ
హైదరాబాద్, సూర్య ప్రధాన ప్రతినిధి :2047 నాటికి భారత్‌ను ప్రపంచంలోనే అగ్రస్థానంలో నిలపడమే ప్రభుత్వ లక్ష్యమని సీఎం రేవంత్ రెడ్డి స్పష్టం చేశారు. స్వాతంత్ర్య వందేళ్ల ఉత్సవాలను ఘనంగా జరుపుకోబోతున్న తరుణంలో గతాన్ని సమీక్షించుకోవాల్సిన అవసరం ఉందని ఆయన పేర్కొన్నారు. శతజయంతి ఉత్సవాల నాటికి దేశాన్ని నంబర్ వన్ స్థానంలో నిలపాలని ప్రధాని మోడీ నిర్దేశించిన లక్ష్యానికి అనుగుణంగా అడుగులు వేస్తున్నట్లు తెలిపారు.
తమకు అమరావతితోనో లేదా ఇతర రాష్ట్రాలతోనో ఎలాంటి పోటీ లేదని, తాము నేరుగా చైనా, జపాన్ లాంటి అగ్ర దేశాలతోనే పోటీ పడుతున్నామని సీఎం చెప్పారు. రాష్ట్రంలో కాలుష్య పరిధిలో ఉన్న పరిశ్రమలను ఇతర ప్రాంతాలకు తరలిస్తున్నామని, పర్యావరణ పరిరక్షణకు పెద్దపీట వేస్తున్నామని తెలిపారు. గతంలో ఔటర్ రింగ్ రోడ్డు (ORR) నిర్మాణంతోనే హైదరాబాద్ అభివృద్ధి వేగం పుంజుకుందని, అదే రీతిలో రాజధానిలో రీజినల్ రింగ్ రోడ్డు (RRR) నిర్మాణానికి ప్రధాని హామీ ఇచ్చారని వెల్లడించారు.
