తెలంగాణ గిరిజన సంఘం 4వ రాష్ట్ర మహాసభలను జయప్రదం చేయండి: ఆర్. హనుమంత్ నాయక్
అడవిదేవులపల్లి మేజర్ న్యూస్
అడవిదేవులపల్లి మండలం
తెలంగాణ గిరిజన సంఘం 4వ రాష్ట్ర మహాసభలను విజయవంతం చేయాలని ఆ సంఘం నల్లగొండ జిల్లా నాయకులు ఆర్. హనుమంత్ నాయక్ పిలుపునిచ్చారు. ఈ నెల 10, 11 తేదీలలో హైదరాబాద్‌లోని ఫలక్‌నామా వేదికగా జరగనున్న ఈ మహాసభల్లో పాల్గొనేందుకు అడవిదేవులపల్లి మండల కేంద్రం నుంచి నాయకులు బయలుదేరారు.
ఈ సందర్భంగా ఆయన మాట్లాడుతూ... గిరిజనుల హక్కులు, అటవీ భూముల పరిరక్షణ మరియు రాజ్యాంగం కల్పించిన ప్రత్యేక హక్కుల సాధన కోసం తెలంగాణ గిరిజన సంఘం నిరంతరం పోరాడుతోందని గుర్తుచేశారు. ఈ రాష్ట్ర మహాసభల్లో గిరిజన సమస్యలపై సమగ్రంగా చర్చించి, భవిష్యత్ ఉద్యమ కార్యాచరణను రూపొందించనున్నట్లు తెలిపారు.
గిరిజన ప్రజా సంఘాల నాయకులు, యువకులు, మహిళలు, విద్యార్థులు పెద్ద సంఖ్యలో తరలివచ్చి ఈ మహాసభలను విజయవంతం చేయాలని ఆయన కోరారు.
ఈ కార్యక్రమంలో గిరిజన సంఘం సీనియర్ నాయకులు కొర్ర బాలనాయక్, అలాగే మండల, గ్రామ నాయకులు జబ్బర్, సత్యం, నాగరాజు, రంగా, శివ తదితరులు పాల్గొన్నారు.
