telanagana
రాష్ట్ర ఆటో యూనియన్ జేఏసీ కార్యదర్శిగా సయ్యద్ యూనిస్ నియామకం
సూర్య, నాగిరెడ్డిపేట్ : తెలంగాణ రాష్ట్ర ఆటో యూనియన్ల జేఏసీ కార్యదర్శి, ఎల్లారెడ్డి నియోజకవర్గ ఇన్చార్జిగా సయ్యద్ యూనుస్ ను నియమించినట్లు జేఏసీ రాష్ట్ర అధ్యక్షుడు మంద రవికుమార్ తెలిపారు. ఎల్లారెడ్డి లో నిర్వహించిన జిల్లాస్థాయి సమావేశంలో తనకు ఈ పదవిని కట్టబెట్టినట్లు సయ్యద్ యూనిస్ తెలిపారు. రాష్ట్ర కమిటీ ఇచ్చే పిలుపులో భాగంగా భవిష్యత్తు పోరాటాలకు ఆటోడ్రైవర్లను సిద్ధం చేయాలని, కాంగ్రెస్ పార్టీ 2023 ఎన్నికల్లో ఇచ్చిన హామీలను అమలు చేసేదాకా జిల్లాలో పోరాటాలు ఉదృతం చేయాలని, ఎల్లారెడ్డి నియోజకవర్గంలోని గ్రామ మండల కమిటీలను పూర్తిగా నిర్మాణం చేపట్టాలని యూనుస్ ను రాష్ట్ర అధ్యక్షులు మంద రవికుమార్ ఆదేశించారు. రాష్ట్ర జేఏసీ కార్యదర్శి నియమించినందుకు రాష్ట్ర ఆటో జేఏసీ యూనియన్ నాయకులకు సయ్యద్ యూనుస్ తన ప్రత్యేక కృతజ్ఞతలు తెలిపారు.
