కుక్కల సూరమ్మ చిత్రపటానికి బీజేపీ నాయకుల ఘన నివాళులు

ఇరగవరం మేజర్ న్యూస్ : మండలం కొత్తపాడు గ్రామానికి చెందిన కుక్కల సూరమ్మ మృతి పట్ల భారతీయ జనతా పార్టీ నాయకులు సంతాపం వ్యక్తం చేశారు. శనివారం కొత్తపాడులో నిర్వహించిన ఆమె పెద్దకర్మ కార్యక్రమానికి తణుకు, ఇరగవరం మండలాలకు చెందిన బీజేపీ నాయకులు హాజరై సూరమ్మ చిత్రపటానికి పూలమాలలు వేసి ఘనంగా నివాళులర్పించారు. అనంతరం కుటుంబ సభ్యులను పరామర్శించి ప్రగాఢ సానుభూతి తెలిపారు.సూరమ్మకు నలుగురు కుమారులు, ముగ్గురు కుమార్తెలు ఉన్నారు. ఆమె నాలుగో కుమారుడు కుక్కల త్రిమూర్తులు ప్రస్తుతం కొత్తపాడు గ్రామ బీజేపీ అధ్యక్షుడిగా బాధ్యతలు నిర్వహిస్తున్నారు. గత వైఎస్సార్‌సీపీ ప్రభుత్వ హయాంలో జరిగిన స్థానిక సంస్థల ఎన్నికల్లో మూడో వార్డు నుంచి బీజేపీ అభ్యర్థిగా పోటీ చేసి విజయం సాధించారు.ఈ సందర్భంగా బీజేపీ నాయకులు మాట్లాడుతూ కుటుంబ పెద్దను కోల్పోవడం తీరని లోటని, సూరమ్మ మృతి పట్ల కుటుంబ సభ్యులకు తమ ప్రగాఢ సానుభూతిని తెలియజేస్తున్నట్లు పేర్కొన్నారు.ఈ కార్యక్రమంలో బీజేపీ తణుకు పట్టణ అధ్యక్షుడు బొల్లాడ నాగరాజు,మాజీ ప్రధాన కార్యదర్శి రాసాబత్తుల అనుకుమార్, ఇరగవరం మండల నాయకులు శీలబోయిన శ్రీనివాస్,అయినవల్లి రామారావు,మండల అధ్యక్షుడు కాట్నం పరిపూర్ణం,గాంధీ, సత్యనారాయణ తదితరులు పాల్గొని సూరమ్మ చిత్రపటానికి నివాళులర్పించారు.

 రిపోర్టర్ దొరబాబు ఇరగవరం పశ్చిమ గోదావరి జిల్లా