ఎస్ జి ఎఫ్ రాష్ట్ర సాయి పోటీలకు ఎంపికైన టైక్వాండో విద్యార్థులు

జనగామ జిల్లా సూర్య ప్రతినిధి ,ఎస్.జి.ఎఫ్ (స్జిఫ్ ) రాష్ట్రస్థాయి టైక్వాండో పోటీలకు ఎంపికైన జనగామ జిల్లా విద్యార్థులు బానోతు సంతోష్ కుమార్, కందుల నందిని, పంగ సుప్రియ, ను జిల్లా ఎస్ జి ఎఫ్ కార్యదర్శి జాటోత్ గోర్ సింగ్  అభినందించారు. ఇటీవల నిర్వహించిన ఉమ్మడి జిల్లా స్థాయి ఎంపిక పోటీల్లో ప్రతిభ కనబరిచి రాష్ట్రస్థాయి పోటీలకు అర్హత సాధించడం జిల్లాకు గర్వకారణమని ఆయన పేర్కొన్నారు.
విద్యార్థులు క్రమశిక్షణ, పట్టుదల, నిరంతర సాధనతో ఈ స్థాయికి చేరుకోవడం అభినందనీయమని తెలిపారు. రాష్ట్రస్థాయి పోటీల్లో కూడా అత్యుత్తమ ప్రతిభ కనబరిచి పతకాలు సాధించి జనగామ జిల్లాకు మంచి పేరు తీసుకురావాలని ఆకాంక్షించారు.విద్యార్థులకు శిక్షణ అందించిన మాస్టర్ ఎండి.అబ్బాస్ ను తల్లిదండ్రులను ఆయన ను ప్రత్యేకం గా అభినందించారు. జిల్లా ఎస్ జి ఎఫ్ కార్యదర్శి జాటోత్ గోర్ సింగ్.