అంగన్‌వాడి కేంద్రాల్లో ప్లాస్టిక్ అనర్ధాలపై అవగాహన
గూడూరు, మేజర్‌న్యూస్‌ : పట్టణ పరిధిలోని న్యూ బాలాజీ నగర్ తూర్పు అంగన్వాడీ కేంద్రం ఆవరణలో ప్లాస్టిక్ వినియోగంతో వచ్చే అనర్ధాలపై ఎంవి రావు ఫౌండేషన్ ఆద్వర్యంలో అవగాహన కల్పించారు. శుక్రవారం ఎంవి రావు ఫౌండేషన్ ఆధ్వర్యంలో ప్లాస్టిక్ వినియోగాన్ని తగ్గించాలని, కోరుతూ తూర్పు వీధి, ఆర్టీసీ బస్టాండ్ సమీపంలోని అంగన్వాడీ కేంద్రాల పరిధిలో ఉన్న మహిళలకు అవగాహన కల్పించారు. సంస్థ ఛైర్మెన్‌ ముప్పవరపు లీలామోహన్ కృష్ణ కుమారుడు వివాహ వార్షికోత్సవాన్ని పురస్కరించుకొని అంగన్వాడీ కేంద్రాల్లోని మహిళలకు, అంగనవాడి కేంద్రం చిన్నారులకు ప్లాస్టిక్ వినియోగాన్ని తగ్గించాలన్నారు. రెండు అంగనవాడి కేంద్రాల పరిధఙలో నివసిస్తున్న 25 మంది అంగన్వాడీ కేంద్రం చిన్నారులకు ప్రస్తుత సీజన్‌లో వాడుకునే నిమిత్తం చిన్నారుల పాదాలకు అవసరమైన మరియు సురక్షితమైన షూ సాక్స్‌లను పంపిణీ చేశారు. ఈ కార్యక్రమంలో ఎం వి రావు ఫౌండేషన్ కార్యదర్శి ఎం విజయలక్ష్మి న్యూ బాలాజీ నగర్ లో ఉన్న అంగనవాడి కేంద్రం నిర్వాహకులు సాజిదా, లక్ష్మి పట్టణ మహిళలు, అంగనవాడి చిన్నారులు పాల్గొన్నారు.
