జుంటుపల్లి ప్రాజెక్టు కాలువల అభివృద్ధికి రూ.5.71 లక్షలు..!

దశాబ్దాలుగా మరమ్మతులకు నోచుకోని తూములకు మహర్దశ
సోమవారం పనులకు శ్రీకారం.. ముఖ్య అతిథిగా ఎమ్మెల్యే మనోహర్ రెడ్డి
యాలాల, మేజర్ న్యూస్ (అక్టోబర్ 10)మండలం జుంటుపల్లి ప్రాజెక్టు కుడి, ఎడమ కాలువల అభివృద్ధి పనులకు రూ.5.71 లక్షల నిధులు కేటాయించారు.దశాబ్దాలుగా మరమ్మతులకు నోచుకోని ప్రాజెక్టు తూముల అభివృద్ధికి త్వరలో ఎమ్మెల్యే బుయ్యని మనోహర్ రెడ్డి చొరవతో అడుగులు పడుతున్నాయి.అక్టోబర్ 12సోమవారం ఉదయం 9 గంటలకు ఎమ్మెల్యే మనోహర్ రెడ్డి ముఖ్య అతిథిగా హాజరై శ్రీకారం చుట్టనున్నారు.కాలువలు,తూముల మరమ్మతులతో సాగునీటి సరఫరా మెరుగుపడి వివిధ గ్రామల ఆయకట్టు రైతులకు ప్రయోజనం చేకూరనుంది.పనులను నాణ్యతతో త్వరితగతిన పూర్తి చేసి సాగునీటి సమస్యలను పరిష్కరించాలని రైతులు కోరుతున్నారు.నిధుల కేటాయింపుపై జుంటుపల్లి సర్పంచ్ వాణిశ్రీ రమేష్ గౌడ్‌తో పాటు స్థానిక రైతులు హర్షం వ్యక్తం చేస్తున్నారు.

రిపోర్టర్: ప్రకాష్ గౌడ్, యాలాల, వికారాబాద్ జిల్లా.