రేపు తూర్పుగోదావరి జిల్లా కపిలేశ్వరపురంలో మెగాస్టార్ చిరంజీవి పర్యటన

సూర్య స్థానిక & విశేషాల డెస్క్: తూర్పుగోదావరి జిల్లా కపిలేశ్వరపురంలో మెగాస్టార్ చిరంజీవి పర్యటించనున్నారు. రాజమండ్రి జీఎస్‌ఎల్ హాస్పిటల్ ఆధ్వర్యంలో నూతనంగా నిర్మించిన "సూర్య చారిటబుల్ హెల్త్ కేర్ సెంటర్" ప్రారంభోత్సవ కార్యక్రమానికి ఆయన ముఖ్య అతిథిగా విచ్చేస్తున్నారు.

అక్టోబర్ 11న ఉదయం 10:35 గంటలకు మెగాస్టార్ చిరంజీవి ఈ హెల్త్ కేర్ సెంటర్‌ను లాంఛనంగా ప్రారంభించనున్నారు. అనంతరం మధ్యాహ్నం 12:30 గంటలకు అక్కడ ఏర్పాటు చేసిన సభా ప్రాంగణంలో ప్రజలను, అభిమానులను ఉద్దేశించి ఆయన ప్రసంగించనున్నారు.

గ్రామీణ ప్రాంత ప్రజలకు మెరుగైన ఉచిత, రాయితీ వైద్య సేవలు అందించే లక్ష్యంతో ఈ సేవా కేంద్రాన్ని ఏర్పాటు చేసినట్లు నిర్వాహకులు తెలిపారు. మెగాస్టార్ రాక సందర్భంగా కపిలేశ్వరపురంలో భారీ ఏర్పాట్లు చేస్తున్నారు, అభిమానులు మరియు స్థానిక ప్రజలు పెద్ద ఎత్తున తరలిరానున్నారు.