telanagana
తాగునీరు కరువు.. రోడ్డెక్కిన కాలనీవాసులు
కొడంగల్, మేజర్ న్యూస్ (అక్టోబరు 10): పట్టణంలోని గాంధీనగర్‌ కాలనీలో తాగునీటి సమస్యతో ఇబ్బందులు ఎదుర్కొంటున్న స్థానికులు రోడ్డెక్కారు. కాలనీలో తాగునీటి సరఫరా నిలిచిపోవడంతో ఖాళీ బిందెలతో రోడ్డుపై బైఠాయించి నిరసన తెలిపారు. అభివృద్ధి పనులు, పైప్‌లైన్‌ మరమ్మతుల కారణంగా రెండు మూడు రోజులుగా నీటి సరఫరాకు అంతరాయం ఏర్పడిందని కాలనీవాసులు ఆవేదన వ్యక్తం చేశారు. తాగునీటి కోసం తీవ్ర ఇబ్బందులు పడుతున్నామని, సమస్యను వెంటనే పరిష్కరించాలని డిమాండ్‌ చేశారు. సమాచారం అందుకున్న అధికారులు స్పందించి తాగునీటి సమస్యను పరిష్కరిస్తామని హామీ ఇవ్వడంతో కాలనీవాసులు ఆందోళన విరమించారు.
రిపోర్టర్: ఆబీద్, కొడంగల్, వికారాబాద్ జిల్లా
