షాద్ నగర్ లో రోడ్డు ప్రమాదం... వ్యక్తి దుర్మరణం

*ఏపీ ఆర్టీసీ బస్సు ఢీకొని తెలకపల్లి గ్రామానికి చెందిన లక్ష్మయ్య మృతి*

రంగారెడ్డి జిల్లా షాద్‌నగర్ పట్టణంలోని ఉమ్మి బైపాస్ వద్ద ఆదివారం రాత్రి ఘోర రోడ్డు ప్రమాదం చోటుచేసుకుంది. ఆంధ్రప్రదేశ్ రాష్ట్ర రోడ్డు రవాణా సంస్థకు చెందిన బస్సు రోడ్డు దాటుతున్న వ్యక్తిని ఢీకొట్టడంతో ఆయన అక్కడికక్కడే మృతి చెందాడు. ప్రత్యక్ష సాక్షులు తెలిపిన వివరాల ప్రకారం.. రంగారెడ్డి జిల్లా షాద్నగర్ నియోజకవర్గం కొందురు మండలంలోని టేకులపల్లి గ్రామానికి చెందిన లక్ష్మయ్య ఆదివారం రాత్రి 9.45 గంటల సమయంలో షాద్‌నగర్ బైపాస్ వద్ద రోడ్డు దాటుతుండగా, సికింద్రాబాద్ నుంచి కళ్యాణదుర్గం వెళ్తున్న ఏపీ ఆర్టీసీ బస్సు ఆయనను ఢీకొట్టింది. ఈ ప్రమాదంలో లక్ష్మయ్య తీవ్రంగా గాయపడి అక్కడికక్కడే ప్రాణాలు కోల్పోయినట్లు ప్రత్యక్ష సాక్షులు తెలిపారు. ఈ ఘటనతో ఆ ప్రాంతంలో విషాదం నెలకొంది. ప్రమాదానికి సంబంధించిన పూర్తి వివరాలు తెలియాల్సి ఉంది..

రాఘవేందర్ గౌడ్: మేజర్ న్యూస్, షాద్ నగర్