మండల అభివృద్ధిపై సర్వసభ్య సమావేశం

దేవరుప్పుల , మేజర్ న్యూస్, దేవరుప్పుల మండల పరిషత్ అభివృద్ధి అధికారి ఎంపీడీవో మేనక పౌడేల్ ఆధ్వర్యంలో సోమవారం మండల సర్వసభ్య సమావేశం నిర్వహించారు. ఈ సమావేశంలో మండల అభివృద్ధికి సంబంధించిన పలు సాధారణ అంశాలపై చర్చించారు. గ్రామాల్లో నెలకొన్న సమస్యలు, ప్రజలకు అందుతున్న ప్రభుత్వ సంక్షేమ పథకాలు, పారిశుద్ధ్యం, తాగునీటి సరఫరా, విద్య, వైద్యం, గ్రామీణాభివృద్ధి వంటి అంశాలపై సమీక్షించినట్లు తెలిసింది. ఈ సందర్భంగా మండలంలోని వివిధ శాఖల అధికారులు తమ శాఖల పరిధిలో చేపడుతున్న కార్యక్రమాలు, అభివృద్ధి పనుల పురోగతిని వివరించారు. ప్రజా సమస్యల పరిష్కారానికి సమన్వయంతో పనిచేయాలని, ప్రభుత్వ పథకాలు అర్హులైన లబ్ధిదారులకు అందేలా చర్యలు తీసుకోవాలని సమావేశంలో చర్చించారు. ఈ సమావేశంలో ఎంపీడీవోతో పాటు వివిధ శాఖల మండల అధికారులు, ప్రజాప్రతినిధులు పాల్గొన్నారు.

రిపోర్టర్, ఎల్లేష్, దేవరుప్పుల, జనగామ జిల్లా