వివేకానంద స్కూల్‌లో ఘనంగా బతుకమ్మ ఉత్సవాలు

తెలంగాణ సంస్కృతి, సంప్రదాయాలను చాటిచెప్పిన విద్యార్థులు

బొంరాస్‌పేట్, మేజర్ న్యూస్:బొంరాస్‌పేట్ మండల కేంద్రంలోని వివేకానంద స్కూల్‌లో శనివారం బతుకమ్మ ఉత్సవాలను ఘనంగా నిర్వహించారు. ఈ సందర్భంగా విద్యార్థులు, ఉపాధ్యాయులు ఉత్సాహంగా పాల్గొని పూల బతుకమ్మలను అందంగా అలంకరించి సంప్రదాయబద్ధంగా వేడుకలు జరుపుకున్నారు. పాఠశాల ఆవరణలో పండుగ సందడి నెలకొంది.తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగ విశిష్టతను ఈ సందర్భంగా వివరించారు. పూలను పూజిస్తూ ప్రకృతిని ఆరాధించే బతుకమ్మ పండుగ మన సంస్కృతిలో ప్రత్యేక స్థానాన్ని కలిగి ఉందని తెలిపారు. విద్యార్థులు సంప్రదాయబద్ధంగా బతుకమ్మ సంబరాల్లో పాల్గొనడం ద్వారా తెలంగాణ సంస్కృతి, సంప్రదాయాలపై అవగాహన పెంపొందించుకున్నారు.ఈ కార్యక్రమంలో పాఠశాల కరస్పాండెంట్ నర్సిములు, ప్రధానోపాధ్యాయురాలు చంద్రకళ, ఉపాధ్యాయులు నిరోషా, శ్యామల, యాదమ్మ, విజయలక్ష్మి, ప్రమీల, భాగ్య తదితరులు పాల్గొన్నారు.

రిపోర్టర్:శ్రీశైలం, బొంరాస్ పేట్, వికారాబాద్ జిల్లా.