మూడు చింతలపల్లి మున్సిపాలిటీలో ఘనంగా ఎంగిలిపూల బతుకమ్మ సంబరాలు

శామీర్‌పేట,మేజర్ న్యూస్ (అక్టోబర్ 10):మేడ్చల్ మల్కాజ్గిరి జిల్లా, మూడు చింతలపల్లి మున్సిపాలిటీ పరిధిలోని అన్ని వార్డుల్లో ఎంగిలిపూల బతుకమ్మ సంబరాలు శనివారం ఘనంగా నిర్వహించారు. తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ వేడుకల్లో మహిళలు ఉత్సాహంగా పాల్గొన్నారు. వివిధ రకాల రంగురంగుల పూలతో బతుకమ్మలను పేర్చి, సంప్రదాయ బతుకమ్మ పాటలు పాడుతూ ఆటపాటలతో సందడి చేశారు. అన్ని వార్డుల్లో పండుగ వాతావరణం నెలకొంది. తెలంగాణ ఆడపడుచుల ఐక్యతను, సంస్కృతి సంప్రదాయాల గొప్పతనాన్ని చాటుతూ ఎంగిలిపూల బతుకమ్మ వేడుకలు వైభవంగా సాగాయి.

రిపోర్టర్: తాటికొండ రవి గౌడ్, శామీర్ పేట్, మేడ్చల్ జిల్లా.