గాంధీ ఫౌండేషన్ సేవలు అభినందనీయం ఎమ్మెల్యే సొంగ రోషన్ కుమార్

జంగారెడ్డిగూడెం-మేజర్ న్యూస్జంగారెడ్డిగూడెం ఏరియా ఆసుపత్రిలోపి.ఎస్.ఎస్.ఎస్. గాంధీ ఫౌండేషన్ ఆధ్వర్యంలో స్థానిక  30 మంది వికలాంగులకు వీల్‌చైర్లు, ట్రై సైకిళ్లను చింతలపూడి ఎమ్మెల్యే సొంగ రోషన్ కుమార్ పంపిణీ చేశారు. ఈ సందర్భంగా ఫౌండేషన్ అందిస్తున్న సేవలను నాయకులు అభినందించారు. నిరంతరం ప్రజలకు అందుబాటులో ఉంటూ సేవా కార్యక్రమాలను కొనసాగించాలని కోరారు.తొలుత సంస్థ సీఈవో రత్నకుమారి జ్యోతి ప్రజ్వలన చేశారు. అనంతరం టీడీపీ అధికార ప్రతినిధి దాసరి శ్యామచంద్ర శేషు మాట్లాడుతూ గాంధీ ఫౌండేషన్ సేవలను కొనియాడారు.ఈ కార్యక్రమంలో టీడీపీ సీనియర్ నాయకులు రామ్ కుమార్, ఆసుపత్రి హెచ్‌డీఎస్ కమిటీ సభ్యులు, దాకవరపు కృష్ణ, చెరుకూరి శ్రీధర్, పీపుల్స్ వెల్ఫేర్ అసోసియేషన్ జిల్లా నాయకుడు విక్టర్ పాల్, కౌన్ అండ్ చర్చ్ లీడర్ శ్రీపాల్, ఏడుకొండలు తదితరులు పాల్గొన్నారు.