విద్యార్థిని చదువుకు మానవత ఆర్థిక సహాయం

జంగారెడ్డిగూడెం-మేజర్ న్యూస్ మండలంలోని నిమ్మలగూడెం గ్రామానికి సూర్య కళాశాలలో డిగ్రీ మొదటి సంవత్సరం చదువుతున్న కుప్పాల రిషిత పావని అనే విద్యార్థినికి మానవత స్వచ్ఛంద సేవా సంస్థ రూ.10,500 ఆర్థిక సహాయం అందించింది. ఆమె చదువుకు ఆర్థికంగా తోడ్పాటునందించేందుకు సంస్థ తరఫున రూ.10,000, మండల అధ్యక్షుడు రూ.500 కలిపి మొత్తం రూ.10,500 అందజేశారు.శనివారం సంస్థ అధ్యక్షుడు తన్నీరు రామకృష్ణ అధ్యక్షతన, బేత రమేష్ ఈ సహాయాన్ని అందించారు. విద్యార్థుల చదువుకు ఆర్థిక ఇబ్బందులు అడ్డంకి కాకూడదనే ఉద్దేశంతో మానవత సంస్థ సేవా కార్యక్రమాలు నిర్వహిస్తోందని నిర్వాహకులు తెలిపారు.ఈ కార్యక్రమంలో సంస్థ కేంద్ర కమిటీ కన్వీనర్ త్రిపుర రమేష్, కోశాధికారి ఇమ్మంది మాధవరావు, కొండ్రెడ్డి సోమరాజు, ఆత్మీయ సహకార కమిటీ అధ్యక్షుడు గద్దె సత్యనారాయణ, సభ్యుడు కర్పూరం వెంకన్నబాబు, ఏలూరు ఫణికుమార్, సూర్య కళాశాల ప్రిన్సిపాల్ రమాదేవి, తనిష్క జ్యువెలర్స్ యుగంధర్, కండవల్లి ఆశీర్వాదం, పోల్నాటి నరేష్‌తో పాటు మానవత కార్యవర్గ సభ్యులు, సంస్థ సభ్యులు పాల్గొన్నారు.

 రిపోర్టర్ కె.వి రమణారావు జంగారెడ్డిగూడెం ఏలూరు జిల్లా