తీదేడు రామాలయం వద్ద ఘనంగా ఎంగిలి పూల బతుకమ్మ వేడుకలు

తెలంగాణ సంస్కృతి, సంప్రదాయాలను భావితరాలకు అందించాలి

- ఉలుపాల స్వప్న శేఖర్ రెడ్డి
- తీదేడు గ్రామ సర్పంచ్. చింతపల్లి మేజర్  న్యూస్.

తెలంగాణ సంస్కృతి, సంప్రదాయాలను భావితరాలకు అందించాలని తీదేడు గ్రామ సర్పంచ్ ఉలుపాల. స్వప్న శేఖర్ రెడ్డి అన్నారు.తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగలో భాగంగా తీదేడు గ్రామంలోని రామాలయం వద్ద ఎంగిలి పూల బతుకమ్మ వేడుకలను ఘనంగా నిర్వహించారు.ఈ సందర్భంగా మహిళలు రంగురంగుల పూలతో బతుకమ్మలను పేర్చి, సంప్రదాయబద్ధంగా బతుకమ్మ పాటలు పాడుతూ ఉత్సాహంగా వేడుకల్లో పాల్గొన్నారు.పూల బతుకమ్మలతో రామాలయం పరిసరాలు పండుగ శోభను సంతరించుకున్నాయి.ఈ సందర్భంగా గ్రామ సర్పంచ్ ఉలుపాల .స్వప్న శేఖర్ రెడ్డి మాట్లాడుతూ.. బతుకమ్మ పండుగ తెలంగాణ ఆడపడుచుల ఆత్మగౌరవానికి, మన సంస్కృతి సంప్రదాయాలకు ప్రతీక అని అన్నారు.ప్రకృతిని ఆరాధిస్తూ, పూలను పూజిస్తూ జరుపుకునే ఈ పండుగ మహిళల్లో ఐక్యతను, సోదరభావాన్ని పెంపొందిస్తుందని పేర్కొన్నారు. తరతరాలుగా వస్తున్న మన ఆచార సంప్రదాయాలను కాపాడుకుంటూ, భావితరాలకు అందించాల్సిన బాధ్యత ప్రతి ఒక్కరిపై ఉందని తెలిపారు.

బతుకమ్మ పండుగ మహిళల జీవితాల్లో ఆనందాన్ని నింపడంతో పాటు గ్రామీణ సంస్కృతి, సంప్రదాయాల గొప్పతనాన్ని చాటిచెబుతుందని అన్నారు. గ్రామంలోని మహిళలందరూ ఐకమత్యంతో, ఆనందోత్సాహాలతో బతుకమ్మ పండుగను జరుపుకోవాలని ఆకాంక్షించారు.తీదేడు గ్రామ ప్రజలందరూ సుఖసంతోషాలతో, ఆయురారోగ్యాలతో ఉండాలని, ప్రతి ఇంటా ఆనందం వెల్లివిరియాలని కోరుకున్నారు.

ఎంగిలి పూల బతుకమ్మ వేడుకల సందర్భంగా మహిళలు సంప్రదాయ దుస్తులు ధరించి,బతుకమ్మల చుట్టూ చేరి పాటలు పాడుతూ సందడి చేశారు.గ్రామంలో పండుగ వాతావరణం నెలకొందని ఆమె సంతోషం వ్యక్తం చేశారు.

ఈ కార్యక్రమంలో గ్రామ పాలక వర్గం,గ్రామ ప్రజలు,గ్రామ మహిళలు,యువకులు అధిక సంఖ్యలో పాల్గొన్నారు.