వీరబ్రహ్మేంద్రస్వామి చరిత్రను జనబాహుళ్యంలోకి తీసుకెళ్లాలి : జనా ప్రసాద్ పిలుపు

​నెల్లిమర్ల, సూర్య : కాలజ్ఞాని, మద్విరాట్ పోతులూరి వీరబ్రహ్మేంద్రస్వామి వారి దివ్య చరిత్రను ప్రజల్లోకి తీసుకువెళ్లేందుకు ప్రతి ఒక్కరూ కృషి చేయాలని విశ్వబ్రాహ్మణ కార్పొరేషన్ రాష్ట్ర మాజీ డైరెక్టర్ జన ప్రసాద్ పిలుపునిచ్చారు.
​స్థానిక వీరబ్రహ్మంగారి ఆలయంలో శనివారం ఆలయ నిర్వహణ కమిటీ అధ్యక్షుడు వీర్ని చిదంబరం అధ్యక్షతన ఒక ప్రత్యేక సమావేశం నిర్వహించారు. ఈ కార్యక్రమంలో జన ప్రసాద్ మాట్లాడుతూ... సంఘం బలోపేతానికి, విశ్వబ్రాహ్మణుల సంక్షేమానికి అందరూ ఐక్యంగా నడుం బిగించాలని కోరారు. నెల్లిమర్ల ఆలయాభివృద్ధిని ప్రణాళికాబద్ధంగా ముందుకు తీసుకువెళ్తామని, పేద విశ్వబ్రాహ్మణులను ఆదుకోవడానికి సమాజం ముందుండాలని సూచించారు.
​ఈ సమావేశంలో సంఘం అధ్యక్షుడు వీర్ని చిదంబరం, గౌరవాధ్యక్షుడు వీర్ని సూరిబాబు, ప్రధాన కార్యదర్శి కాకినాడ గుప్తేశ్వరరావు, ఉపాధ్యక్షుడు వేముల తాతాచారి తదితరులు పాల్గొన్నారు.

రిపోర్టర్ : రాజారావు, నెల్లిమార్ల, విజయనగరం జిల్లా.