అద్దంకి రాజీవ్ కాలనీలో పోలీసుల 'కార్డన్ సెర్చ్'..

సూర్య న్యూస్ అద్దంకి.

అద్దంకి పోలీసు స్టేషన్ పరిధిలోని రాజీవ్ కాలనీలో పోలీసులు విస్తృతంగా ‘కార్డన్ అండ్ సెర్చ్’ ఆపరేషన్ నిర్వహించారు. సిఐ సుబ్బరాజు నేతృత్వంలో కాలనీ మొత్తం అంగుళం అంగుళం తనిఖీ చేశారు. తనిఖీల్లో భాగంగా కాలనీలో ఉన్న 26 ద్విచక్ర వాహనాలు, ఒక ఆటోను పరిశీలించారు. సరైన పత్రాలు లేని 6 వాహనాలకు అక్కడికక్కడే ఎంవీ ఫైన్స్ వేసినట్లు ఎస్సై సాయి కుమార్ తెలిపారు. చట్టవ్యతిరేక లేదా అసాంఘిక కార్యకలాపాలకు పాల్పడితే ఎంతటివారైనా కఠిన చర్యలు తప్పవని హెచ్చరించారు. ప్రజలు ఎలాంటి భయాందోళనలకు గురికాకుండా ఉండేలా, కాలనీలలో నేరాల నివారణకు ప్రశాంత వాతావరణాన్ని పెంపొందించేందుకు ప్రతి కాలనీలో ఇలాంటి తనిఖీలు కొనసాగిస్తామని సీఐ తెలిపారు.