టిజి మోడల్ స్కూల్, నాగసముద్రాల లో సమాచార హక్కు చట్టానికి తూట్లు

టిజి మోడల్ స్కూల్, నాగసముద్రాల లో సమాచార హక్కు చట్టానికి తూట్లు - టీ, స్నాక్స్ ఇవ్వకుండానే నిధులు డ్రా*

కోహెడ : కోహెడ మండలంలోని నాగసముద్రాల గ్రామ పరిదిలోని తెలంగాణ మోడల్ స్కూల్ లో సమాచార హక్కు చట్టం (ఆర్ టీ ఐ) ని ఉల్లంఘిస్తున్నారని, పాత రికార్డులు మాయం చేశారని, పేరెంట్స్ మీటింగ్ నిధులు దుర్వినియోగం చేశారని స్థానికులు ఆరోపిస్తున్నారు.
ఆర్ టీ ఐ కి అక్రమ ఫీజు - జీవో ఉల్లంఘన స్కూల్ నిధులు, స్కూల్ అకౌంట్ వివరాలు కోరుతూ _22.08.2026 న ఆర్ టీ ఐ వేశారు. దీనికి  ప్రిన్సిపాల్ _22.09.2026 న 1800 పేజీలకు రూ.5400/- (పేజీకి రూ.3/- చొప్పున) స్కూల్ ప్రైవేట్ అకౌంట్ లో కట్టాలని లేఖ ఇచ్చారు. కానీ తెలంగాణ ప్రభుత్వ జీవో ఎం ఎస్ నెంబర్ .454, జిఏడి (ఐ &పీఆర్) డిపాట్, తేది 28.10.2013 మరియు ఆర్ టీ ఐ నిబంధనల ప్రకారం పేజీకి రూ.2/- మాత్రమే వసూలు చేయాలి, ఫీజు ప్రభుత్వ ట్రెజరీ ఖాతా నెంబర్ హెచ్ఈఏడి 0070-60-118-00-103 లోనే కట్టాలి. స్కూల్ ప్రైవేట్ అకౌంట్ లో కట్టమనడం, రూ.3/- వసూలు చేయడం జీవో నేబర్ .454 కు విరుద్ధం.30 రోజులు దాటితే ఉచితం - Sec సెక్షన్ 7(6). 30 రోజులు గడిచినా సమాచారం ఇవ్వకపోవడం తో ఆర్ టీ ఐ చట్టం సెక్షన్ 7(6) ప్రకారం సమాచారం ఉచితంగా ఇవ్వాలి. కానీ ఇప్పటివరకు సమాచారం ఇవ్వలేదు. దీనిపై _26.09.2026 న డిఈఓ సిద్దిపేట కు మొదటి అప్పీల్_ చేశారు - అక్కడి నుండి కూడా సమాధానం లేదు. బిల్లులు మాయం కొత్త ప్రిన్సిపాల్ ఫిర్యాదు
కొత్త ప్రిన్సిపాల్ డిఈఓ కి లేఖ రాశారు. పాత ప్రిన్సిపాల్ బిల్లులు, వోచర్లు, స్టాక్ రిజిస్టర్లు, యూనిఫాం & ఎండిఎం బిల్లులు నాకు అప్పగించలేదు అని.
పేరెంట్స్ మీటింగ్ లో టీ, స్నాక్స్ ఇవ్వకుండానే బిల్లులు? తల్లిదండ్రులు ఆరోపిస్తున్నారు. పేరెంట్స్ మీటింగ్ లలో టీ, స్నాక్స్ ఇవ్వకుండానే నిధులు డ్రా చేశారని, రికార్డుల్లో మాత్రం ఖర్చు చూపించారని. డిఈఓ విచారణ జరిపి, 2023-2026 అకౌంట్స్ ఆడిట్ చేయించి, జీవో ఎం ఎస్ నేబర్  454 ఉల్లంఘించిన  ప్రిన్సిపాల్ పై చర్యలు తీసుకోవాలని, లేకపోతే  టీఎస్ఐసి కు రెండవ అప్పీల్ మరియు విజిలెన్స్ కు ఫిర్యాదు చేస్తామని స్థానికులు హెచ్చరిస్తున్నారు.