పేదలకు వస్త్ర, అన్నదాన కార్యక్రమం

ఆమదాలవలస, సూర్య : ​ఆమదాలవలస పట్టణ శివారులోని లెప్రసీ కాలనీలో శనివారం కృత్విక్ ఫౌండేషన్ ఆధ్వర్యంలో పేదలకు వస్త్ర, అన్నదాన కార్యక్రమాన్ని నిర్వహించారు. సరుబుజ్జి గ్రామానికి చెందిన అధ్యాపకులు కూన హర్షవర్ధన్ పుట్టినరోజును పురస్కరించుకుని ఈ సేవా కార్యక్రమాన్ని నిర్వహించారు. ఈ సందర్భంగా కాలనీలోని సుమారు 40 మంది అనాథలు, వృద్ధులు, దివ్యాంగులకు అన్నప్రసాదంతో పాటు నూతన వస్త్రాలను పంపిణీ చేశారు. ఈ కార్యక్రమంలో కృత్విక్ ఫౌండేషన్ చైర్మన్ చిగురుపల్లి చిన్ను మాట్లాడుతూ  ప్రతి ఒక్కరూ పుట్టినరోజులు, వివాహాల వంటి శుభకార్యాల సమయంలో అనవసర ఆర్భాటాలకు, ప్రచారాలకు పోకుండా తమకు తోచినంతలో పేదలకు సహాయం చేయడానికి ముందుకు రావాలి అని కోరారు. అనంతరం దాత కూన హర్షవర్ధన్ కు చిగురుపల్లి చిన్ను కృతజ్ఞతలు తెలిపారు. ఈ సేవా కార్యక్రమంలో రామచంద్రరావు, బొడ్డేపల్లి చంద్రశేఖర్, ఆనంద్, రాజకుమార్, అచ్యుత్ తదితరులు పాల్గొన్నారు.

రిపోర్టర్ : రాము, సరుబుజ్జి, ఆమదాలవలస, శ్రీకాకుళం జిల్లా.