డిండి ప్రాజెక్టుకు ఏదుల నుంచే నీరివ్వాలి...!

డిండి ప్రాజెక్టుకు ఏదుల నుంచే నీరివ్వాలి...!

????436 అడుగుల ఎత్తులోనే కాలువ నిర్మించాలి

????మునుగోడులో క్యాండిల్ ర్యాలీ నిర్వహించిన డిండి ఎత్తిపోతల సాధన సమితి డిమాండ్

మునుగోడు,మేజర్ న్యూస్:

డిండి ఎత్తిపోతల పథకానికి ఏదుల (వీరాంజనేయ) జలాశయం నుంచే నీటిని అందించాలని డిండి ఎత్తిపోతల పథక సాధన సమితి డిమాండ్ చేసింది. ఈ సందర్భంగా శుక్రవారం రాత్రి మునుగోడు చౌరస్తాలో రైతులు, ప్రజలు క్యాండిల్ ర్యాలీ నిర్వహించారు. పాలమూరు–రంగారెడ్డి కాలువతో సమానంగా డిండి కాలువను కూడా 436 అడుగుల ఎత్తులో నిర్మించాలని కోరారు. 440 అడుగుల ఎత్తు ప్రతిపాదనతో భవిష్యత్తులో నీటి సరఫరాకు ఇబ్బందులు తలెత్తే అవకాశం ఉందని ఆందోళన వ్యక్తం చేశారు. ఈ నెల 14న ముఖ్యమంత్రి రేవంత్ రెడ్డి ఆధ్వర్యంలో జరిగే ప్రాజెక్టుల సమీక్షలో నల్గొండ జిల్లా ప్రజల నీటి అవసరాలపై ప్రభుత్వం స్పష్టమైన హామీ ఇవ్వాలని డిమాండ్ చేశారు. తమ డిమాండ్లపై సానుకూల నిర్ణయం తీసుకోకపోతే ఉద్యమాన్ని ఉధృతం చేస్తామని సమితి హెచ్చరించింది. 
ఈ కార్యక్రమంలో జల సాధన సమితి నాయకులు మారగోని అంజయ్య,మేకల శ్రీనివాస్ రెడ్డి,పోలగోని సైదులు, అయితగోని విజయ్,సోలిపురం సర్పంచ్ నకిరేకంటి మురళీకృష్ణ గౌడ్, జిట్టగోని మల్లేష్, గురిజా సునీల్, గుర్రాల సురేష్, కొమ్ము మల్లేష్, ఎంపల్ల పరమేశ్,జిల్లా సుఖేందర్,గజ్జల బాలరాజు, సురిగి రవి, బుడిగ స్వామి, గురజాల శ్రవణ్, ధాం నరసింహ, బైరు నరేష్, ఇరిగి యాదయ్య తదితరులు పాల్గొన్నారు.