శ్రీ విశ్వనాథ దేవస్థానం ఈవోగా ముక్త రవి బాధ్యతల స్వీకరణ

సూర్య మంచిర్యాల టౌన్ : మంచిర్యాల పట్టణంలోని శ్రీ విశ్వనాథ దేవస్థానం నూతన కార్యనిర్వహణాధికారిగా (ఈవో) ముక్త రవి బాధ్యతలు స్వీకరించారు.ఈ సందర్భంగా ఆలయ అభివృద్ధికి ప్రాధాన్యతనిస్తూ భక్తులకు ఎలాంటి ఇబ్బందులు కలగకుండా అన్ని రకాల సౌకర్యాలు కల్పించేందుకు కృషి చేస్తానని ఆయన తెలిపారు.ఆలయ అభివృద్ధికి అవసరమైన చర్యలు చేపడుతూ, భక్తులకు మెరుగైన వసతులు అందించేలా ప్రణాళికాబద్ధంగా ముందుకు సాగుతామని ఈవో ముక్త రవి పేర్కొన్నారు. ఆలయ పరిసరాల పరిశుభ్రత, భక్తుల సౌకర్యాలు తదితర అంశాలపై ప్రత్యేక దృష్టి సారిస్తామని తెలిపారు.నూతనంగా బాధ్యతలు స్వీకరించిన ఈవో ముక్త రవిని ఆలయ సిబ్బంది అభినందించి శుభాకాంక్షలు తెలిపారు.ఈ కార్యక్రమంలో ఆలయ సిబ్బంది ఠాగూర్ ప్రతాప్ సింగ్, నాగరాజు, శంకర్, శ్యామ్ తదితరులు పాల్గొన్నారు.