శ్రీ గాయత్రి స్కూల్ విద్యార్ధుల సేవాభావం

గూడూరు, మేజర్‌న్యూస్‌  :    గూడూరు పట్టణంలోని ఓం సాయిరాం చారిటీస్ వృద్ధాశ్రమానికి శ్రీ గాయత్రి ఇంగ్లీష్ మీడియం స్కూల్ విద్యార్థులు నిత్యావసర సరుకులు అందచేశారు. గురువారం ఉదయం పాఠశాల విద్యార్ధులు వృద్ధాశ్రమానికి 15 రోజులకు సరిపడ బియ్యం, వెజిటబుల్స్ అందించి తమ సేవాభావం చాటారు. ఈ కార్యక్రమానికి ముఖ్య అతిథిగా విచ్చేసిన ప్రగతి  అధ్యక్షులు చంద్రశేఖర్ మాట్లాడుతూ చిన్నతనం నుంచే విద్యార్థులకు సేవాభావం అలవడాలనే ఉద్దేశంతో  శ్రీ గాయత్రి స్కూల్ యాజమాన్యం విద్యార్థులతో ఇలాంటి సేవా కార్యక్రమాలు నిర్వహించడం అభినందనీయమన్నారు. ఈ సందర్భంగా కరస్పాండెంట్ శివకుమార్ రెడ్డి మాట్లాడుతూ లీడర్షిప్ అనే కాన్సెప్ట్ లో భాగంగా విద్యార్థులలో నాయకత్వ లక్షణాలు మరియు సామాజిక స్పృహ పెంపొందించాలనే దృక్పథంతో ఈ వినూత్న కార్యక్రమాన్ని నిర్వహించినట్లు తెలిపారు. ఈ కార్యక్రమంలో వృద్ధాశ్రమం నిర్వాహకురాలు కళ్యాణి , ఉపాధ్యాయులు నాసిర, మస్తాన్బీ, సుప్రజ, రేవంతి, రజిని, పర్వీన్, హరికృష్ణ మరియు విద్యార్థులు పాల్గొన్నారు.