ఎల్కపల్లి బస్టాండ్‌లో మరుగుదొడ్ల శుభ్రత

సూర్య, పెంచికల్ పేట్ :గ్రామ బస్టాండ్‌లో కొంతకాలంగా వినియోగంలో లేని మరుగుదొడ్లను గ్రామ పంచాయతీ ఆధ్వర్యంలో శుభ్రపరిచారు. ప్రజలు, ప్రయాణికులకు పరిశుభ్రమైన వాతావరణం కల్పించడంతో పాటు మరుగుదొడ్లను తిరిగి వినియోగంలోకి తీసుకురావాలనే ఉద్దేశంతో ఈ కార్యక్రమం చేపట్టారు. సర్పంచ్ భక్తు రాంచందర్, పంచాయతీ కార్యదర్శి విజయ్ మరియు పారిశుధ్య సిబ్బంది పాల్గొని మరుగుదొడ్లను శుభ్రపరిచారు.
ఈ సందర్భంగా సర్పంచ్ మాట్లాడుతూ ప్రజా ప్రదేశాల్లో పరిశుభ్రతకు ప్రాధాన్యత ఇస్తున్నామని, మరుగుదొడ్లను నిరంతరం శుభ్రంగా నిర్వహించేలా చర్యలు తీసుకుంటామని తెలిపారు. గ్రామ పారిశుధ్య పరిరక్షణలో ప్రజలు కూడా సహకరించాలని కోరారు.