ఎంబిబిఎస్ సీటు సాధించిన చోలే నరేష్‌కు ఘన సన్మానం

సూర్య జైనూర్: జైనూర్ మండల కేంద్రంలోని ఉస్మాన్స్ కేరళ గ్రామర్ పాఠశాల పూర్వ విద్యార్థి చోలే నరేష్ ఇటీవల వెలువడిన నీట్ ఫలితాల్లో ప్రతిభ కనబరిచి ఎంబిబిఎస్ సీటు సాధించారు. ఈ సందర్భంగా పాఠశాల కరస్పాండెంట్ షేక్ జమీల్ సర్, ఉపాధ్యాయులు నరేష్‌ను అభినందించారు.నరేష్ సాధించిన విజయాన్ని పురస్కరించుకుని పాఠశాల యాజమాన్యం ఆయనతో పాటు ఆయన తండ్రి చోలే మహాదేవ్ను శాలువాలతో ఘనంగా సత్కరించింది. ఈ సందర్భంగా నరేష్‌కు అభినందనలు తెలిపిన పాఠశాల సిబ్బంది, భవిష్యత్తులో వైద్య రంగంలో మరిన్ని ఉన్నత విజయాలు సాధించాలని ఆకాంక్షించారు.ఈ సందర్భంగా కరస్పాండెంట్ షేక్ జమీల్ మాట్లాడుతూ.. తమ పాఠశాల పూర్వ విద్యార్థి ఎంబిబిఎస్ సీటు సాధించడం ఎంతో గర్వకారణమని తెలిపారు. నరేష్ పట్టుదలతో చదివి వైద్య రంగంలో ఉన్నత స్థాయికి ఎదగాలని ఆకాంక్షించారు. విద్యార్థులు నరేష్‌ను ఆదర్శంగా తీసుకుని ఉన్నత లక్ష్యాలను సాధించాలని సూచించారు.