షట్టర్‌లో పేకాట.. ఆరుగురు అరెస్ట్

రూ.18 వేల నగదు, 208 పేకముక్కలు స్వాధీనం

మర్పల్లి, మేజర్ న్యూస్: మర్పల్లి మండలం సిరిపురం చౌరస్తా సమీపంలోని ఓ షట్టర్‌లో పేకాట ఆడుతున్న ఆరుగురిని పోలీసులు పట్టుకుని అరెస్టు చేశారు. ఈ ఘటన మంగళవారం తెల్లవారుజామున చోటుచేసుకుంది. ఎస్‌ఐ అబ్దుల్ రావుఫ్ తెలిపిన వివరాల ప్రకారం.. మంగళవారం ఉదయం సుమారు 5 గంటల సమయంలో సిరిపురం చౌరస్తా వద్ద ఓ షట్టర్‌లో కొందరు వ్యక్తులు పేకాట ఆడుతున్నట్లు సమాచారం అందింది.దీంతో పోలీసులు అక్కడికి చేరుకుని దాడి చేయగా, షట్టర్‌లో పేకాట ఆడుతున్న ఆరుగురు వ్యక్తులు పట్టుబడ్డారు. వారి వద్ద నుంచి పేకాటకు సంబంధించిన రూ.18,000 నగదు, 208 పేకముక్కలను స్వాధీనం చేసుకున్నట్లు ఎస్‌ఐ తెలిపారు. పట్టుబడిన ఆరుగురిపై కేసు నమోదు చేసి దర్యాప్తు చేపట్టినట్లు ఆయన వెల్లడించారు.

రాములు, మర్పల్లి రిపోర్టర్,వికారాబాద్ జిల్లా.