పెనుగంచిప్రోలులో టీడీపీ మండల అధ్యక్షుడు చింతల సీతారామయ్య ప్రెస్ మీట్* *కూటమి ప్రభుత్వ పథకాలతో ప్రజల్లో విశ్వాసం - రానున్న ఎన్నికల్లో అఖండ విజయం మాదే*

*పెనుగంచిప్రోలులో టీడీపీ మండల అధ్యక్షుడు చింతల సీతారామయ్య ప్రెస్ మీట్*

*కూటమి ప్రభుత్వ పథకాలతో ప్రజల్లో విశ్వాసం - రానున్న ఎన్నికల్లో అఖండ విజయం మాదే*

*పెనుగంచిప్రోలు, అక్టోబర్ 7 (మేజర్ న్యూస్):*

పెనుగంచిప్రోలు మండల తెలుగుదేశం పార్టీ కార్యాలయంలో మండల పార్టీ అధ్యక్షులు  చింతల వెంకట సీతారామయ్య  విలేకరుల సమావేశం నిర్వహించారు.ఈ సందర్భంగా ఆయన మాట్లాడుతూ, రాష్ట్రంలో కూటమి ప్రభుత్వం అధికారంలోకి వచ్చిన ఏడాదిలోనే ఇచ్చిన హామీలను ఒక్కొక్కటిగా నెరవేరుస్తోందని అన్నారు. "ముఖ్యమంత్రి చంద్రబాబు నాయుడు గారు, ఉప ముఖ్యమంత్రి పవన్ కళ్యాణ్ గారి నాయకత్వంలో సూపర్ సిక్స్ పథకాలు అద్భుతంగా అమలవుతున్నాయి. తల్లికి వందనం కింద ప్రతి విద్యార్థికి రూ.15,000, అన్నదాత సుఖీభవ కింద రైతులకు రూ.20,000, దీపం 2.0 కింద 3 ఉచిత సిలిండర్లు, స్త్రీ శక్తి పథకం ద్వారా మహిళలకు ఉచిత బస్సు ప్రయాణం, అన్నా క్యాంటీన్ల పునఃప్రారంభం, పింఛన్ల పెంపు లాంటి పథకాలతో ప్రతి కుటుంబానికి లబ్ధి చేకూరుతోంది" అని వివరించారు.గత వైసీపీ ప్రభుత్వం రాష్ట్రాన్ని అప్పులపాలు చేస్తే, నేడు కూటమి ప్రభుత్వం సంక్షేమం, అభివృద్ధి రెండింటినీ సమానంగా ముందుకు తీసుకెళ్తోందని అన్నారు."ఈ పథకాలపై ప్రజల్లో పూర్తి విశ్వాసం ఉంది. పెనుగంచిప్రోలు మండలంలోని ప్రతి గ్రామంలో కూటమి కార్యకర్తలు పథకాలను ప్రజల్లోకి తీసుకెళ్తున్నారు. రానున్న స్థానిక సంస్థల ఎన్నికల్లో కూటమి అఖండ విజయం సాధిస్తుంది. అదే దిశగా మా గెలుపును కొనసాగిస్తాం" అని చింతల వెంకట సీతారామయ్య  ధీమా వ్యక్తం చేశారు.ఈ ప్రెస్ మీట్ లో మండల పార్టీ నాయకులు, కార్యకర్తలు పాల్గొన్నారు.

ప్రశాంత్ పెనుగంచిప్రోలు