ఆపదలో జనసైనికుడికి జనసేన అండ

చింతలపూడి మేజర్ న్యూస్: మండలం: రోడ్డు ప్రమాదంలో గాయపడి చికిత్స పొందుతున్న జనసైనికుడికి జనసేన నాయకులు ఆర్థిక సహాయం అందించి అండగా నిలిచారు.ప్రగడవరం గ్రామంలోని ఎస్సీ కాలనీకి చెందిన జనసైనికుడు డోలా నాగరాజు పనికి వెళ్లి తిరిగి వస్తుండగా రోడ్డు ప్రమాదానికి గురయ్యారు. ఈ ప్రమాదంలో ఆయన చేతికి గాయాలు కావడంతో శస్త్రచికిత్స చేయించుకున్నారు.విషయం తెలుసుకున్న చింతలపూడి మార్కెట్ యార్డ్ చైర్మన్, జనసేన మండల పార్టీ అధ్యక్షులు చీదరాల దుర్గాపార్వతి మధుబాబు గత ఆగస్టు 9న నాగరాజును పరామర్శించారు. ఆ సమయంలో ఆర్థికంగా అండగా ఉంటామని హామీ ఇచ్చారు.ఇచ్చిన మాట ప్రకారం తాజాగా నాగరాజుకు రూ.10 వేల ఆర్థిక సహాయాన్ని అందజేశారు. కష్టకాలంలో జనసైనికులకు అండగా నిలవడం జనసేన కుటుంబం బాధ్యతగా భావిస్తున్నామని ఈ సందర్భంగా నాయకులు తెలిపారు.ఈ కార్యక్రమంలో గ్రామ కమిటీ అధ్యక్షులు శ్రీ కోసన చంద్రబాబు, టీడీపీ నాయకులు చంద్రశేఖర్ రెడ్డి, జగన్నాథం కుమార్, కురిసెట్టి శీను, వెన్న సత్యనారాయణ, ఆకుల మధుతో పాటు జనసేన నాయకులు, కార్యకర్తలు పాల్గొన్నారు.

 రిపోర్టర్ ఖలీల్ చింతలపూడి ఏలూరు జిల్లా,