రాష్ట్ర స్ట్రాంగ్ మెన్ టైటిల్ విజేత మారే వీరేంద్ర…

అమలాపురం మేజర్ న్యూస్ ఈనెల 4, 5వ తేదీల్లో  ఎన్టీఆర్ జిల్లా తిరువూరులో జరిగిన  13వ ఆంధ్రప్రదేశ్ రాష్ట్రస్థాయి సీనియర్ పవర్ లిప్టింగ్  క్లాసిక్ బెంచ్ ప్రెస్ పోటీల్లో  అమలాపురం - హెల్త్ అండ్ ఫిట్నెస్ జిమ్  నేషనల్ లిఫ్టర్  మారే వీరేంద్ర రాష్ట్రంలో అత్యధికంగా బెంచ్ ప్రెస్ రికార్డు లిఫ్టు  155 కేజీల బరువు ఎత్తి బంగారు పతకం తో పాటు  రాష్ట్ర స్ట్రాంగ్ మెన్ టైటిల్ ను గెలుసుకున్నారు. 

 రాష్ట్ర స్ట్రాంగ్ మెన్ గా టైటిల్ గెలుచుకున్న  మారే వీరేంద్రను  క్రీడా ప్రముఖులు సమక్షంలో అభినందించడానికి హెల్త్ అండ్ ఫిట్నెస్ జిమ్ లైఫ్ మెంబర్ గారపాటి చంద్రశేఖర్  అధ్యక్షతన  ఏర్పాటుచేసిన కార్యక్రమానికి  ముఖ్యఅతిథిగా విచ్చేశారు.  జిల్లా ఒలింపిక్ అసోసియేషన్ జనరల్ సెక్రెటరీ  పప్పుల శ్రీరామచంద్రమూర్తి  క్రీడల ప్రాముఖ్యతను తెలియజేస్తూ క్రీడా రిజర్వేషన్ ద్వారా  ఉన్నత విద్య, ఉద్యోగ &  నగదు స్కాలర్షిప్లను మొదలగు  అవకాశాలను ప్రస్తుత కేంద్ర రాష్ట్ర ప్రభుత్వములు కల్పిస్తున్నాయన్నారు.

  క్రీడాకారులు ఈ అవకాశాన్ని అందుకోవాలని కోరుతూ వారికి శుభాభినందనలు తెలిపారు.ఈనెల  9, 10 11 తేదీల్లో  కాకినాడలో జరుగు ఆంధ్రప్రదేశ్ రాష్ట్ర స్కూల్ గేమ్స్ ఫెడరేషన్  వెయిట్ లిఫ్టింగ్ పోటీలకు ఎంపికైన హెల్త్ అండ్ ఫిట్నెస్ జిమ్ వెయిట్ లిఫ్టింగ్ క్రీడాకారులు  వాసంశెట్టి మేఘన, కొండేటి వేణు మానస్, గుంటూరు దినేష్ ప్రసాద్, తణుకు జగదీశ్వర్   ల ను ఘనంగా సత్కరించారు.
ఈ అభినందన ఉత్సవ కార్యక్రమంలో   ఆశెట్టి ఆదిబాబు, కె. మణికంఠ వర్మ, గోకరకొండ దొరబాబు, దొమ్మేటి రాము, నక్క సుధాకర్ బాబు, తరుణ్, ఎం.ఆర్. కె, సుబాజి, చీకట్ల సత్యనారాయణమూర్తి, బి. యశ్వంత్ & హెల్త్ అండ్ ఫిట్నెస్ జిమ్ క్రీడాకారులు పాల్గొని శుభాకాంక్షలు తెలిపారని కోచ్ కంకిపాటి వెంకటేశ్వర రావు తెలిపారు