రాబోయే స్థానిక సంస్థల ఎన్నికల నేపథ్యంలో పోలింగ్ కేంద్రాల పరిశీలన

చింతలపూడి, మేజర్ న్యూస్: రాబోయే స్థానిక సంస్థల ఎన్నికల నేపథ్యంలో చింతలపూడి మండలంలో పోలింగ్ కేంద్రాల ఏర్పాటుకు సంబంధించి పోలీసులు ముందస్తు పరిశీలన చేపట్టారు.ఏలూరు జిల్లా చింతలపూడి మండలంలోని ప్రగడవరం, తిమ్మిరెడ్డిపల్లి, ఎర్రంపల్లి గ్రామాల్లో పోలింగ్ కేంద్రాలుగా ఏర్పాటు చేయనున్న పాఠశాలలను ఎస్సై సతీష్ కుమార్ తన సిబ్బందితో కలిసి సందర్శించి పరిశీలించారు.పోలింగ్ కేంద్రాల వద్ద భద్రతా ఏర్పాట్లు, ఓటర్లకు ఎలాంటి ఇబ్బందులు లేకుండా తీసుకోవాల్సిన చర్యలు, వాహనాల రాకపోకలు, ఇతర మౌలిక సదుపాయాలపై పోలీసు అధికారులు పరిశీలన చేశారు. ఎన్నికల సమయంలో ఎటువంటి అవాంఛనీయ సంఘటనలు చోటుచేసుకోకుండా ముందస్తు చర్యల్లో భాగంగా ఈ పరిశీలన చేపట్టినట్లు తెలిపారు.స్థానిక సంస్థల ఎన్నికలను ప్రశాంత వాతావరణంలో నిర్వహించేందుకు పోలీసు శాఖ అన్ని విధాలా సన్నద్ధమవుతున్నట్లు ఎస్సై సతీష్ కుమార్ తెలిపారు.

 జిల్లా ఇంచార్జ్ పసుమర్తి రాము ఏలూరు