వీరుళ్ళమ్మ ఫోటో అండ్ వీడియోగ్రాఫర్స్ అసోసియేషన్ నూతన కార్యవర్గం

 అనపర్తి మేజర్ న్యూస్. అనపర్తి గ్రామంలో  శ్రీశ్రీశ్రీ వీరుళ్ళమ్మ ఫోటో అండ్ వీడియోగ్రాఫర్స్ వెల్ఫేర్ అసోసియేషన్ నూతన కార్యవర్గ ప్రమాణ స్వీకార కార్యక్రమం బుధవారం ఘనంగా నిర్వహించారు. జిల్లా, మండల స్థాయి నాయకుల సమక్షంలో నూతన కార్యవర్గ సభ్యులు ప్రమాణ స్వీకారం చేసి బాధ్యతలు స్వీకరించారు.ఈ కార్యక్రమానికి ఉమ్మడి పశ్చిమగోదావరి జిల్లా చైర్మన్ ఎం. రాము, తూర్పుగోదావరి జిల్లా అధ్యక్షులు గెల్లా రాజు ముఖ్య అతిథులుగా హాజరై నూతన కార్యవర్గానికి శుభాకాంక్షలు తెలిపారు. 

అధ్యక్షులుగా కొవ్వూరి చంద్రశేఖర్ రెడ్డి, కార్యదర్శిగా మానేపల్లి మహేష్, గౌరవ అధ్యక్షులుగా వీరభద్రరావు, ఓబులాపురం నరసింహారావు, కోశాధికారిగా ఓబులాపురం నాగలక్ష్మి బాధ్యతలు స్వీకరించారు. ఉపాధ్యక్షులుగా పైల శ్రీహరి, నాతి రవి, సంయుక్త కార్యదర్శిగా నిడదవోలు నరేష్, సంయుక్త కోశాధికారిగా ఎం. సరిత, పీఆర్‌ఓగా సతీష్, ఆర్గనైజింగ్ సెక్రటరీగా వానపల్లి వనజ, టెక్నికల్ ఇన్‌చార్జిగా ఎం. శివ సుబ్రహ్మణ్యం బాధ్యతలు చేపట్టారు. 

బోర్డు సభ్యులుగా కొవ్వూరి ఉదయ భాస్కర్ రెడ్డి, సీరం సుబ్రహ్మణ్యం, సురేష్ కుమార్, వి. సుబ్బారావు, దిలీప్ ప్రమాణ స్వీకారం చేశారు.ఈ సందర్భంగా ఎం. రాము మాట్లాడుతూ ఫోటో, వీడియోగ్రాఫర్స్ ఎదుర్కొంటున్న సమస్యల పరిష్కారానికి, సభ్యుల సంక్షేమానికి ఐకమత్యంతో పనిచేయాలని సూచించారు. గెల్లా రాజు మాట్లాడుతూ నూతన కార్యవర్గం సంఘ అభివృద్ధికి కృషి చేయాలని ఆకాంక్షించారు. ఈ కార్యక్రమంలో జిల్లా, మండల స్థాయి యూనియన్ నాయకులు, ఫోటో అండ్ వీడియోగ్రాఫర్స్ పాల్గొని నూతన కార్యవర్గ సభ్యులకు అభినందనలు తెలిపారు.