అక్రమ ఇసుక రవాణాను అరికట్టాలి
*** తహసిల్దార్ టి స్వరూపారాణి కి వినతిపత్రం అందచేత.
*** బి ఆర్ ఎస్ మండల అధ్యక్షులు సట్ల రవి గౌడ్ .
*** బి ఆర్ ఎస్ మండల ప్రధాన కార్యదర్శి ఆకునూరి తిరుపతి..
టేకుమట్ల ప్రతినిధి, టేకుమట్ల మండలంలోని చలివాగు, మానేరు వాగు పరివాహక ప్రాంతం నుండి ప్రతిరోజు వందలాది ట్రాక్టర్ల ద్వారా ఇసుకను అక్రమ రవాణాలను చేస్తున్నారని, ఇసుక అక్రమ రవాణా నివారించడంలో సంబంధిత అధికారులు పూర్తిగా విఫలమయ్యారని, తక్షణమే అక్రమ ఇసుక రవాణాను అరికట్టాలని బిఆర్ఎస్ పార్టీ మండల అధ్యక్ష కార్యదర్శులు సట్ల రవి గౌడ్, ఆకునూరి తిరుపతి స్థానిక తాసిల్దార్ టి స్వరూపా రాణి కి వినతి పత్రం అందజేశారు. అనంతరం వారు మాట్లాడుతూ ప్రస్తుత ఎల్ నీనో ప్రభావంతో అతి తక్కువ వర్షపాతం నమోదయిందని, చలి వాగు, మానేరు వాగు నుంచి ఇసుకను అక్రమ రవాణా చేయడం వల్ల భూగర్భ జలాలు అడుగంటి పోతాయని, రాబోయే రోజుల్లో ప్రజలకు త్రాగునీరు కరువు అయ్యే పరిస్థితి నెలకొందని తక్షణమే సంబంధిత అధికారులు ఇట్టి విషయంపై తగిన చర్యలు చేపట్టి అక్రమ రవాణాను నివారించగలరని టిఆర్ఎస్ మండల అధ్యక్ష కార్యదర్శులు సట్ల రవి గౌడ్, ఆకునూరు తిరుపతి డిమాండ్ చేశారు. ఈ కార్యక్రమంలో బి ఆర్ఎస్ పార్టీ సీనియర్ నాయకులు బందెల నరేష్, పింగిలి వెంకటేశ్వర్ రెడ్డి, టేకుమట్ల సర్పంచ్ మాట్ల శ్రీనివాస్, టేకుమట్ల టౌన్ అధ్యక్షులు నిమ్మల స్వామి తదితరులు పాల్గొన్నారు.
