సర్ రద్దు చేయాలని డిమాండ్

కార్యాచరణపై  అఖిల పక్షం సమావేశం.

పెనుబల్లి సూర్య మేజర్ న్యూస్....
రాజ్యాంగం కల్పించిన ఓటు హక్కుని అక్రమంగా తొలగించే ప్రక్రియను, ఎస్ ఐ ఆర్ ను రద్దు చేయాలన్న డిమాండ్ తో మండలంలోని అఖిలపక్ష నాయకులు ఏకమయ్యారు. పెనుబల్లి మండలం విఎం బంజర గ్రామంలోని సప్తపది ఫంక్షన్ హాల్లో కాంగ్రెస్ పార్టీ మండల  అధ్యక్షులు పంది వెంకటేశ్వరరావు అధ్యక్షతన సిపిఎం, సిపిఐ, ఎల్ మాస్ లైన్ పార్టీ  ఆదివారం సమావేశం నిర్వహించారు. భారత రాజ్యాంగం పై విశ్వాసం లేని బీజేపీ ప్రభుత్వం చేపట్టే పౌరుల ఓటుహక్కును తొలగించే ప్రయత్నాలను అడ్డుకోవాలని అఖిలపక్ష నాయకులు పిలుపునందించారు. చీఫ్ ఎలక్షన్ కమిషనర్ రాజీనామా డిమాండ్ ని నాయకులు వినిపించారు. ఓటర్ జాబితా ప్రత్యేక సమగ్ర సవరణ ( సర్) కు వ్యతిరేకంగా అక్టోబర్ 6న కలెక్టరేట్ కార్యక్రమం ముందు ధర్నాతో పాటు అక్టోబరు 8 న చలో రాజ భవన్ , నవంబరు  ఒకటిన చలో ఢిల్లీ కార్యక్రమాలను విజయవంతం చేయాలని నాయకులు కోరారు.  కాంగ్రెస్ పార్టీ నాయకులు పంది వెంకటేశ్వరరావు, కీసర శ్రీనివాస్ రెడ్డి, ఈడ కమలాకర్, గూడూరు మాధవరెడ్డి, మాలోతు రాధాకృష్ణ, వంగ గిరిజాపతి, వంగ చంద్రశేఖర్, మేక తొట్టి కాంతయ్య, మల్లెల శ్రీనివాసరావు, మల్లెల రాజా, తెల్లూరు శేఖర్, సీపీఐ ( ఎం), సీపీఐ, ఎం ఎల్ మాస్ లైన్ నాయకులు  చలమాల విఠల్ రావు, నల్లమల ప్రతాప్, పొదిల భాస్కర్, బీరెల్లి లాజర్, కాటినేని శ్రీనివాసరావు, చిట్టిమోదుల కృష్ణ,  తదితరులు పాల్గొన్నారు.