సేవా కార్యక్రమాలతో దబ్బని వెంకట్ జన్మదిన వేడుకలు

జన్మదినం సందర్భంగా రక్తదాన శిబిరం.. 78 మంది యువకుల రక్తదానం
వెంకట్ జన్మదిన వేడుకల్లో పాల్గొన్న మాజీ ఎమ్మెల్యే ఆనంద్

మోమిన్‌పేట్,మేజర్ న్యూస్ (అక్టోబర్ 5):బీఆర్‌ఎస్ మోమిన్‌పేట్ మండల మాజీ అధ్యక్షుడు దబ్బని వెంకట్ జన్మదిన వేడుకలను సేవా కార్యక్రమాలతో ఘనంగా నిర్వహించారు. వికారాబాద్ మాజీ ఎమ్మెల్యే, జిల్లా బీఆర్‌ఎస్ అధ్యక్షుడు డాక్టర్ మెతుకు ఆనంద్ ఆధ్వర్యంలో సోమవారం వివిధ కార్యక్రమాలు నిర్వహించారు.జన్మదినాన్ని పురస్కరించుకుని శ్రీ బాలాజీ బ్లడ్ సెంటర్, మేఘ బ్లడ్ డొనేషన్ క్యాంప్ సంగారెడ్డి వైద్య బృందం సహకారంతో ఉదయం రక్తదాన శిబిరాన్ని ఏర్పాటు చేశారు. ఈ శిబిరంలో 78 మంది యువకులు స్వచ్ఛందంగా రక్తదానం చేసి సేవాభావాన్ని చాటుకున్నారు. రక్తదానం చేసిన వారికి నిర్వాహకులు ప్రశంసా పత్రాలను అందజేశారు.అనంతరం మండల పరిధిలోని బీకేఆర్ ఫంక్షన్ హాల్‌లో దబ్బని వెంకట్ జన్మదిన వేడుకలను ఘనంగా నిర్వహించారు. ఈ సందర్భంగా కేక్ కట్ చేసి ఆయనకు జన్మదిన శుభాకాంక్షలు తెలిపారు. పలువురు నాయకులు, కార్యకర్తలు దబ్బని వెంకట్‌ను శాలువాలతో సన్మానించి శుభాకాంక్షలు తెలియజేశారు.ఈ సందర్భంగా పార్టీ నాయకులు మాట్లాడుతూ.. జన్మదిన వేడుకలను కేవలం సంబరాలకే పరిమితం చేయకుండా రక్తదాన శిబిరం నిర్వహించడం అభినందనీయమన్నారు. అత్యవసర పరిస్థితుల్లో రక్తం అవసరమైన వారికి ఈ రక్తదానం ఎంతగానో ఉపయోగపడుతుందని పేర్కొన్నారు.ఈ కార్యక్రమంలో ఉమ్మడి రంగారెడ్డి జిల్లా మాజీ సర్పంచుల సంఘం అధ్యక్షుడు ఎన్. నరసింహారెడ్డి, సర్పంచులు బండ విష్ణువర్ధన్ రెడ్డి, పటేల్‌గారి శ్రీకాంత్ గౌడ్, అరుణ, బిచ్చయ్య, కిష్టయ్య చౌహాన్, లక్ష్మీరాజు తదితరులతో పాటు జిల్లా, మండల నాయకులు, వివిధ గ్రామాల నాయకులు, కార్యకర్తలు పెద్ద సంఖ్యలో పాల్గొన్నారు.

రిపోర్టర్ వడ్ల మాణిక్యం చారి.