పల్లె పండుగ 3.0తో పల్లెలకు మహర్దశ - పి.గన్నవరంలో రూ.4.30 కోట్ల అభివృద్ధి పనులకు ఎమ్మెల్యే గిడ్డి శంకుస్థాపన

 అంబాజీపేటమేజర్ న్యూస్ :పల్లె పండుగ 3.0తో గ్రామాల అభివృద్ధికి కూటమి ప్రభుత్వం పెద్దపీట వేస్తోందని పి.గన్నవరం ఎమ్మెల్యే గిడ్డి సత్యనారాయణ అన్నారు. అంబాజీపేట మండలం మోసలపల్లి చింతాలమ్మ ఆలయం వద్ద రూ.49 లక్షల బీటీ రోడ్డు, మాచవరం కొర్లపాటివారిపాలెం వెంకటేశ్వరస్వామి ఆలయం వద్ద రూ.10 లక్షల సీసీ రోడ్డు పనులకు సోమవారం ఆయన శంకుస్థాపన చేశారు.ఈ సందర్భంగా ఎమ్మెల్యే గిడ్డి మాట్లాడుతూ గ్రామాలే రాష్ట్ర అభివృద్ధికి పునాదులు. గ్రామీణ మౌలిక వసతులు, రైతు సంక్షేమం, పారిశుధ్యమే కూటమి ప్రభుత్వ లక్ష్యం అన్నారు. 

ముఖ్యమంత్రి చంద్రబాబు నాయుడు నాయకత్వంలో, ఉప ముఖ్యమంత్రి పవన్ కళ్యాణ్ మార్గదర్శకత్వంలో ప్రతి గ్రామాన్ని అభివృద్ధికి చిరునామాగా మారుస్తాం అన్నారు. పి.గన్నవరం నియోజకవర్గానికి పల్లె పండుగ 3.0లో 41 పనులు, రూ.4.30 కోట్లతో 7 కి.మీ రోడ్లు మంజూరయ్యాయి. ఇచ్చిన ప్రతి హామీ నెరవేరుస్తా అని అన్నారు. అలాగే పలువురు కూటమి నాయకులు మాట్లాడుతూ ఎమ్మెల్యే కృషితో నియోజకవర్గంలో ఎన్నడూ లేని విధంగా అభివృద్ధి జరుగుతోందని పల్లె పండుగ ద్వారా రోడ్లు, డ్రైనేజీలు మెరుగుపడుతున్నాయి.

 కూటమి ప్రభుత్వం గ్రామాల అభివృద్ధికి కట్టుబడి ఉంది" అని పేర్కొన్నారు.ఈ కార్యక్రమంలో టిడిపి‌కో కన్వీనర్ డివివి సత్యనారాయణ,రాష్ట్ర డైరెక్టర్ లు  బొంతు పెదబాబు,శిరిగినీడి వెంకటేశ్వరరావు,మట్టపర్తి బాల భారతి,సొసైటీ చైర్ పర్సన్ అరిగెల సూరిబాబు, ఎఎమ్ సి వైస్ చైర్మన్ కొర్లపాటి వెంకటేశ్వరరావు, ఎంపిడిఓ బి.మమత,ఎపిఓ ఎ.వెంకట కృష్ణ,మాజీ ఎంపిపి దొమ్మేటి వెంకటేశ్వరరావు,కూటమి నాయకులు అరిగెల బలరామమూర్తి, నాగాబత్తుల సుబ్బారావు, రవణం రాము, టిడిపి రాష్ట్ర ఎస్సీ సెల్ నాయకులు పెదపూడి శ్రీనివాస్, సుంకర బాలాజీ,కొర్లపాటి గోపి, ఎమ్.తాతాజీ,నాయకులు, అదికారులు తదితరులు పాల్గొన్నారు.