ఇంట్లో ఇనుపరాడ్‌తో భార్యపై దాడి

పెనమలూరు, మేజర్ న్యూస్ : పెద్దపులిపాక గ్రామం శ్రీనగర్ కాలనీకి చెందిన టమటం విజయదుర్గపై ఆమె భర్త విజయబాబు ఇనుపరాడ్‌తో దాడి చేసిన ఘటనపై పెనమలూరు పోలీసులు కేసు నమోదు చేశారు. పోలీసుల వివరాల ప్రకారం.. పెయింటింగ్ పనులు చేసే విజయబాబు మద్యానికి బానిసై కుటుంబ బాధ్యతలను పట్టించుకోకుండా తరచూ భార్య, ఇద్దరు కుమార్తెలను వేధిస్తుండేవాడు. ఈ క్రమంలో అక్టోబర్ 3న రాత్రి 11 గంటల సమయంలో పనికి వెళ్లకుండా ఇంట్లో ఉన్న భర్తను కుటుంబ అవసరాల నిమిత్తం పనికి వెళ్లాలని విజయదుర్గ కోరింది. ఈ సమయంలో ఆమె భర్త మొబైల్ ఫోన్ తీసుకోవడంతో ఆగ్రహానికి గురైన విజయబాబు ఇంట్లోని ఇనుపరాడ్‌తో ఆమె తలపై కొట్టడంతో రక్తగాయమైంది. బాధితురాలు ఇచ్చిన ఫిర్యాదు మేరకు పెనమలూరు పోలీసులు కేసు నమోదు చేసి దర్యాప్తు చేస్తున్నారు.

✍️ ప్రేమ్ రాజ్, విజయవాడ.