నిరుపేదల అభ్యున్నతికి ఎమ్మెల్యే 'పల్లా' కృషి.......

నిరుపేదల అభ్యున్నతికి ఎమ్మెల్యే 'పల్లా' కృషి.......

మద్దూరు..…నియోజకవర్గంలోని నిరుపేదల అభ్యున్నతే లక్ష్యంగా జనగామ శాసన సభ్యుడు డా. పల్లా రాజేశ్వర్ రెడ్డి కృషి చేస్తున్నట్లు పీఏసీఎస్ వైస్ చైర్మన్ ఇర్రి రాజిరెడ్డి తెలిపారు. శుక్రవారం మద్దూరు మండలంలోని ధర్మారం గ్రామంలో అనారోగ్య సమస్యతో బాధపడుతున్న ఊట్ల కనకారెడ్డి దవఖాన ఖర్చుల కోసం ఎమ్మెల్యే పల్లా రాజేశ్వర్ రెడ్డి సహకారంతో సీఎం సహాయనిధి నుంచి మంజూరైన రూ. 2లక్షల ఎల్వోసీ పత్రాన్ని బాధితునికి వైస్ చైర్మన్ అందజేశారు. ఈ సందర్భంగా ఆయన మాట్లాడుతూ నియోజకవర్గంలోని ఎంతోమందికి సీఎంఆర్ఎఫ్ నిధుల మంజూరికి ఎమ్మెల్యే ఎంతగానో కృషి చేసినట్లు తెలిపారు. ఎల్వోసీ మంజూరికి సహకరించిన ఎమ్మెల్యేకు బాధితుని కుటుంబ సభ్యులు ప్రత్యేకంగా ధన్యవాదాలు తెలిపారు. కార్యక్రమంలో సర్పంచ్ జక్కుల కనకమ్మలింగయ్య, మాజీ సర్పంచ్ ఊట్ల రవీందర్ రెడ్డి, బీఆర్ఎస్ నాయకులు శ్రీనివాస్ రెడ్డి, వెంకటేశ్, మహిపాల్ తదితరులు పాల్గొన్నారు