చెరువు వద్ద శుభ్రత ఎక్కడ.. ఎంగిలిపూల బతుకమ్మ ఆడేది ఎట్లా

చెరువు వద్ద శుభ్రత ఎక్కడ..... ఎంగిలి పూల బతుకమ్మ ఆడేదెట్ల  

అధికారుల నిర్లక్ష్యంపై ఆగ్రహం వ్యక్తం చేస్తున్న ప్రజలు  

 దసరా నవరాత్రి ఉత్సవాల సందర్భంగా ఎంతో పవిత్రంగా జరుపుకునే ఎంగిలిపూల బతుకమ్మ పండుగకు జల్ పల్లి చెరువు వద్ద కనీస ఏర్పాట్లు చేయకపోవడంపై జిహెచ్ఎంసి అధికారులపై ప్రజలు తీవ్ర ఆగ్రహం వ్యక్తం చేస్తున్నారు. చెరువు చుట్టూ పేరుకుపోయిన చెత్తాచెదారం, ప్లాస్టిక్ వ్యర్ధాలతో దుర్వాసన చెందడంతో, బతుకమ్మ వేడుకలకు వచ్చే మహిళలు ఇబ్బంది పడుతున్నారు. చెరువు వద్ద లైటింగ్, రక్షణ ఏర్పాట్లు లేకపోవడం వల్ల హిందూ సాంప్రదాయాన్ని అవమానపరిచే విధంగా ఉందని స్థానిక ప్రజలు తీవ్రంగా విమర్శిస్తున్నారు. తెలంగాణ పండుగకు ప్రతీకగా నిలిచే బతుకమ్మ పండుగను ఘనంగా నిర్వహించాల్సిన అధికారులే నిర్లక్ష్యంగా వ్యవహరించడంపై స్థానికులు మండిపడుతున్నారు.                                 -అంకం జగన్ : మేజర్ న్యూస్, జల్ పల్లి.