ఎస్వీసీఈలో ఘనంగా ఫ్రెషర్స్ డే తిరుపతి ఎడ్యుకేషన్ మేజర్ న్యూస్ కరకంబాడి రోడ్డులోని ఎస్వీసీఈ కళాశాలలో శనివారం ఫ్రెషర్స్ డేని ఘనంగా నిర్వహించారు. కళాశాలలో నూతనంగా అడుగుపెట్టిన ప్రథమ సంవత్సర విద్యార్థులను కళాశాల యాజమాన్యం, అధ్యాపక బృందం, సీనియర్ విద్యార్థులు సాదరంగా ఆహ్వానించారు. ఈ సందర్భంగా కళాశాల ఛ

కరకంబాడి రోడ్డులోని ఎస్వీసీఈ కళాశాలలో శనివారం ఫ్రెషర్స్ డేని ఘనంగా నిర్వహించారు. కళాశాలలో నూతనంగా అడుగుపెట్టిన ప్రథమ సంవత్సర విద్యార్థులను కళాశాల యాజమాన్యం, అధ్యాపక బృందం, సీనియర్ విద్యార్థులు సాదరంగా ఆహ్వానించారు. ఈ సందర్భంగా కళాశాల ఛైర్మన్ ఏ గంగిరెడ్డి, వైస్ ఛైర్మన్ ప్రకాష్ మాట్లాడుతూ విద్యార్థులు అకడమిక్ ప్రతిభతో పాటు క్రమశిక్షణ, నూతన ఆవిష్కరణలపై దృష్టి సారించాలని సూచించారు. కళాశాలలో ఉన్న అత్యుత్తమ వసతులను ఉపయోగించుకుని, భవిష్యత్తు సవాళ్లను ఎదుర్కొనేలా తమ నైపుణ్యాలను తీర్చిదిద్దుకోవాలని పిలుపునిచ్చారు.ప్రిన్సిపాల్ ప్రొఫెసర్ డా.కె.చంద్రశేఖర రెడ్డి మాట్లాడుతూ విద్యార్థులు మొదటి సంవత్సరం నుంచే చదువుపై దృష్టి పెట్టడంతో పాటు సాంకేతిక, వృత్తిపరమైన నైపుణ్యాలను పెంపొందించుకోవాలని, కళాశాల కార్యకలాపాల్లో చురుగ్గా పాల్గొని సంస్థ కీర్తి ప్రతిష్టలను నిలబెట్టాలని ఆకాంక్షించారు.అనంతరం సీనియర్, జూనియర్ విద్యార్థులు ప్రదర్శించిన సంగీత, సాంస్కృతిక కార్యక్రమాలు అలరించాయి. ఈ కార్యక్రమంలో బోధన, బోదనేతర సిబ్బంది, కోఆర్డినేటర్లు, విద్యార్థులు పాల్గొన్నారు.

సీఎం గౌడ్ తిరుపతి ప్రతినిధి