గ్రామ గ్రామాన ఎంగిలిపూల బతుకమ్మ వేడుకలు

సూర్య, సెంటినరీ కాలనీ  :రామగిరి మండలంలో ఘనంగా బతుకమ్మ వేడుకలు జరిగాయి. మండలంలోని అన్ని గ్రామాల్లో మహిళలు, యువతులు, చిన్నారులు బతుకమ్మ వేడుకల సందర్భంగా పూలు, బతుకమ్మ పువ్వుతో  బతుకమ్మ ను ఏర్పాటు చేసి ఉల్లాసంగా, ఉత్సాహంగా వేడుకల్లో పాల్గొన్నారు. ఈ వేడుకలలో సర్పంచులు  పల్లె ప్రతిమ పీవీరావు(రత్నాపూర్),  కొండవేన దివ్య- సుధాకర్(నాగేపల్లి), రేండ్ల శారద- కుమారస్వామి(కలవచర్ల), కొండ మంజుల- శ్రీనివాస్(చందనాపూర్), పుల్లెల భాగ్యలక్ష్మి-కొమురయ్య(రాజాపూర్), వీరగోని రమాదేవి - శ్రీనివాస్(లొంకకేసారం),రొడ్డ మౌనిక- కుమార్(నవాబుపేట),  తాండ్ర యమున- శ్రీనివాస్(జల్లారం), తదితరులు పాల్గొన్నారు.
కమాన్ పూర్ మండలంలో....
కమాన్ పూర్ మండలం లో గ్రామ గ్రామాన ఎంగిలిపూల బతుకమ్మ వేడుకలు ఘనంగా శనివారం జరిగాయి. తెలంగాణలోనే అతి పండుగలో ముఖ్యమైనది బతుకమ్మ వేడుకలు. ఈ వేడుకలు మండల కేంద్రంతో పాటు గుండారం, జూలపల్లి, పేరపల్లి, రొంపికుంట, నాగారం, పెంచికలపేట, సిద్దిపల్లె, కిష్టంపల్లె, రాజాపూర్, లింగాల, గొల్లపల్లి తదితర గ్రామాల్లో ఎంగిలిపూల బతుకమ్మలు ఘనంగా నిర్వహించారు. ఉదయం నుండే రంగురంగుల పూలతో బతుకమ్మలను పేర్చి ఆయా గ్రామాల్లోని చావళ్ల వద్ద బతుకమ్మలను పెట్టి పూజలు నిర్వహించారు. అనంతరం తెలంగాణ యాసలో బతుకమ్మల చుట్టూ తిరుగుతూ పాటలు పాడారు. ఈ వేడుకల్లో ప్రస్తుత సర్పంచులు పల్లె మాధవి, బంగారు కళ్యాణి, పోల్ దాసరి వనిత, తో పాటు మహిళలు భారీ ఎత్తున పాల్గొన్నారు. తొమ్మిది రోజుల పాటు బతుకమ్మల అనంతరం సద్దుల బతుకమ్మ వేడుకలు నిర్వహించనున్నారు.