telanagana
*మధిరలో బతుకమ్మ నిమజ్జన ఘాట్ల వద్ద అన్ని ఏర్పాట్లు పూర్తి*
మధిర మున్సిపాలిటీ ఆధ్వర్యంలో నిర్వహించనున్న బతుకమ్మ సంబరాలు, బతుకమ్మ నిమజ్జన కార్యక్రమాలకు సంబంధించి అన్ని ఏర్పాట్లు పూర్తి చేసినట్లు మున్సిపల్ చైర్‌పర్సన్ మరియు మున్సిపల్ కమిషనర్ తెలిపారు.బతుకమ్మ నిమజ్జన ఘాట్ వద్ద అవసరమైన ఏర్పాట్లతో పాటు, ఆర్‌వీ కాంప్లెక్స్ (RV Complex) నుంచి బతుకమ్మ ఘాట్ వరకు రహదారిపై అవసరమైన సౌకర్యాలను కల్పించినట్లు వెల్లడించారు. బతుకమ్మ సంబరాలు, నిమజ్జన కార్యక్రమాలకు హాజరయ్యే మహిళలు, ప్రజలకు ఎలాంటి ఇబ్బందులు కలగకుండా మున్సిపల్ అధికారులు తగిన చర్యలు చేపట్టారు. ఈ సందర్భంగా కమిషనర్ మాట్లాడుతూ బతుకమ్మ సంబరాలు, నిమజ్జన కార్యక్రమాలు ప్రశాంత వాతావరణంలో విజయవంతంగా నిర్వహించేందుకు ప్రజలు మున్సిపాలిటీకి సహకరించాలని కోరారు.
