నల్లగొండలో అంగరంగ వైభవంగా ఎంగిలిపూల బతుకమ్మ

నల్లగొండ టౌన్, :నల్లగొండ నగరంలో ఎంగిలిపూల బతుకమ్మ వేడుకలు శనివారం  నుండి అంగరంగ వైభవంగా ప్రారంభమయ్యాయి.
నగరంలోని రామాలయం, నగర మేయర్ చైతన్య బతుకమ్మ వేడుకలలో పాల్గొన్నారు ఎన్జీ కాలేజీ మైదానం, హైదరాబాద్ రోడ్డు, దేవరకొండ రోడ్, మిర్యాలగూడ రోడ్, సాగర్ రోడ్, సవర్కర్ నగర్, శాంతినగర్, ఆమీల్యా కాలనీ, కలెక్టరేట్ ప్రాంతాలలో వివిధ అపార్ట్‌మెంట్లలో మహిళలు భక్తిశ్రద్ధలతో బతుకమ్మ సంబరాలను నిర్వహించారు. తొలిరోజు ఎంగిలిపూల బతుకమ్మను రంగురంగుల పూలతో అందంగా పేర్చి "బతుకమ్మ బతుకమ్మ ఉయ్యాలో" అంటూ పాటలు పాడుతూ మహిళలు ఉత్సాహంగా ఆడిపాడారు.
తొమ్మిది రోజుల పాటు జరిగే బతుకమ్మ వేడుకల్లో తొలిరోజు ఎంగిలిపూల బతుకమ్మకు ప్రత్యేక విశిష్టత ఉందని మహిళలు తెలిపారు. పండుగను పురస్కరించుకొని మహిళలు సాంప్రదాయ దుస్తులు ధరించి పెద్ద ఎత్తున పాల్గొన్నారు.