మంత్రి తుమ్మలకు వేంసూరు రైతుల విజ్ఞప్తి

మంత్రి తుమ్మల సానుకూల స్పందన 
ఉమ్మడి ఖమ్మం జిల్లా బ్యూరో / సూర్య మేజర్ న్యూస్ 
వేంసూరు మండలంలోని లింగపాలెం, వేంసూరు, లచ్చన్నగూడెం, మర్లపాడు, వెంకటాపురం గ్రామాల రైతులు తమ గ్రామాల్లోని చెరువులను నాగార్జునసాగర్ ఎడమ కాలువ కి గోదావరి నీటిని వేంసూరు ఎత్తిపోతల పథకం ద్వారా నింపాలని మంత్రి తుమ్మల నాగేశ్వరరావు గారిని గండగులపల్లి లోని తన నివాసంలో  విజ్ఞప్తి చేశారు.
రైతుల విజ్ఞప్తిపై సానుకూలంగా స్పందించిన మంత్రి తుమ్మల నాగేశ్వరరావు గారు, ఈ విషయాన్ని సత్తుపల్లి ఎమ్మెల్యే మట్టా రాగమయి దయానంద్  దృష్టికి తీసుకెళ్లాలని సూచించారు. ఈ ప్రక్రియలో ఏవైనా నిర్వహణ ఖర్చులు ఉత్పన్నమైతే వాటిని ప్రభుత్వమే భరించే విధంగా చర్యలు తీసుకుంటామని రైతులకు మంత్రి తుమ్మల నాగేశ్వరరావు భరోసా కల్పించారు.

రిపోర్టర్ ఏ. కిరణ్ కుమార్ పెనుబల్లి.