telanagana
జిటిఎస్‌ ఆలయంలో శ్రీ గాయత్రీ దేవిగా అమ్మవారి దర్శనం
వెంగళరావునగర్‌, మేజర్ న్యూస్‌:
జిటిఎస్‌ దేవాలయంలో శరన్నవరాత్రి ఉత్సవాలు భక్తిశ్రద్ధలతో కొనసాగుతున్నాయి. ఉత్సవాల్లో భాగంగా మంగళవారం మూడో రోజు అమ్మవారు శ్రీ గాయత్రీ దేవి అలంకారంలో భక్తులకు దర్శనమిచ్చారు. ఈ సందర్భంగా ఆలయంలో ప్రత్యేక పూజా కార్యక్రమాలు నిర్వహించారు. అమ్మవారికి పంచామృత అభిషేకం నిర్వహించి, విశేషంగా అలంకరించారు. అనంతరం కుంకుమార్చన, చండీ హోమం నిర్వహించారు.
చండీ హోమంలో పాల్గొన్న దాతలు, భక్తులకు ఆలయ నిర్వాహకులు అన్నదాన కార్యక్రమాన్ని ఏర్పాటు చేశారు. అమ్మవారిని దర్శించుకునేందుకు వచ్చిన భక్తులకు ఎలాంటి అసౌకర్యాలు కలగకుండా దేవస్థానం ఈవో గుమ్మడిదల సుధాకర్‌ ఆధ్వర్యంలో తగిన ఏర్పాట్లు చేశారు. భక్తులకు సౌకర్యవంతంగా దర్శనం కల్పించేందుకు ఆలయ సిబ్బంది అవసరమైన చర్యలు చేపట్టారు.
